Putin Ankaraya səfərə hazırlaşır?

Putin Ankaraya səfərə hazırlaşır?

Türkiyə Prezident Administrasiyasında Rusiya lideri Vladimir Putinin ölkəyə gözlənilən səfəri ilə bağlı məlumat yoxdur.

Ens.az Axar.az-a istinadən xəbər verir ki, bu barədə “RİA Novosti”yə Ərdoğanın ofisindəki mənbə bildirib.

Qeyd edək ki, bu gün Türkiyə mətbuatı Rusiya dövlət başçısının Ankaraya mümkün səfəri barədə məlumat yayıb.

Bildirilib ki, hakimiyyət Putinin səfərinə hazırlaşır və səfər gizli saxlanılır. İki ölkə liderlərinin geniş spektrli məsələləri müzakirə edəcəyi və Putinin Türkiyənin cənub-şərqindəki zəlzələ zonasına səfər edəcəyi gözlənilir.