1. DÜNYA

Putin Belarusda tutulan hərbçilərə görə Təhlükəsizlik Şurasını topladı

Putin Belarusda tutulan hərbçilərə görə Təhlükəsizlik Şurasını topladı

Putin Belarusda tutulan hərbçilərə görə Təhlükəsizlik Şurasını topladı

Peskov: “Prezident və Təhlükəsizlik Şurasının üzvləri Rusiya vətəndaşlarının tezliklə azad ediləcəyinə ümidlidirlər”

Rusiya Prezidenti Vladimir Putin və Təhlükəsizlik Şurasının üzvləri Belarusda saxlanılan Rusiya vətəndaşlarının tezliklə azad ediləcəyinə ümidlidirlər. AYNA xəbər verir ki, bu barədə dövlət başçısının mətbuat katibi Dmitri Peskov bildirib.

“Prezidentlə Təhlükəsizlik Şurasının üzvləri arasında keçirilən videokonfransda Belarusda tutulan Rusiya vətəndaşları haqqında ətraflı söhbət getdi”, - deyən Peskov bildirib ki, 33 Rusiya vətəndaşının Belarusda əsassız tutulması müttəfiq münasibətlərinin parametrlərinə uyğun deyil. Onun sözlərinə görə, saxlanılanlar qanunsuz heç bir iş görməyiblər: “Onlar Belarusun daxili işləri ilə əlaqədar orda olmayıblar. İttihamlar əsassızdır”

Qeyd edək ki, iyulun 29-da Belarusda 33 Rusiya vətəndaşı tutulub. Rəsmi Minsk iddia edir ki, həmin şəxslər Rusiyaya məxsus özəl hərbi şirkət olan “Vaqner” hərbçiləridirlər. Belarus hökuməti hesab edir ki, muzdlu hərbçilər avqustun 9-da keçiriləcək prezident seçkiləri ərəfəsində ölkədəki vəziyyəti gərginləşdirmək məqsədilə gəliblər. Belarus Prezidenti Alexandr Lukaşenko məsələ ilə bağlı rəsmi Moskvadan izahat tələb edib.



Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Editörün Seçimi

SON XƏBƏRLƏR