“Putin və Si Cinpin çox ağıllı insanlardır” – Tramp

“Putin və Si Cinpin çox ağıllı insanlardır” – Tramp

ABŞ-nin keçmiş prezidenti Donald Tramp Rusiya və Çin liderləri Vladimir Putin və Si Cinpini çox ağıllı insanlar adlandırıb.

Yeniavaz.com “Fox News” telekanalına istinadla xəbər verir ki, o bunu çərşənbə günü Ayova ştatında tərəfdarları qarşısında çıxışı zamanı deyib.

“Putin və Si Cinpin çox ağıllı insanlardır. Mən onların ağıllı olduğunu deyəndə media nifrət edir, amma icazə verin sizə deyim ki, onlar çox ağıllı və çox məkrlidirlər”, - deyə Tramp bildirib.

Qeyd edək ki, bir müddət əvvəl Tramp Putinlə yaxşı münasibətdə olduğunu etiraf etmiş, həmçinin, "Mən prezident olsaydım, Ukrayna müharibəsi də olmazdı", - demişdi.

Xatırladaq ki, Tramp 2024-cü il prezident seçkilərində Respublikaçıların ehtimal olunan namizədidir.