Putin və Tramp görüş barədə razılığa gələ bilməyib

Putin və Tramp görüş barədə razılığa gələ bilməyib

Rusiya Prezidenti Vladimir Putin və onun amerikalı həmkarı Donald Tramp iyunun 4-də baş tutan telefon danışığı zamanı görüş barədə razılığa gələ bilməyiblər.

“Report”un Rusiya KİV-inə istinadən verdiyi məlumata görə, bunu ölkə prezidentinin mətbuat katibi Dmitri Peskov bildirib.

"Görüş barədə razılaşma olmadı, dövlət başçıları görüşün vacib olduğunu başa düşür, lakin o, lazımi qaydada hazırlanmalı və belə hazırlığın ciddi nəticələri olmalıdır ki, bu nəticələr yüksək səviyyədə təsbit edilsin", - Peskov jurnalistlərə bildirib.

Bununla yanaşı, o, iki prezident arasında danışığın konstruktiv mühitdə keçdiyini vurğulayıb.

Peskov əlavə edib ki, Putin və Tramp gündəlikdə mühüm rol oynayan bir çox məsələləri müzakirə ediblər.