1. GÜNDƏM

Qarabağ atlarının da köçkün həyatı bitir...

Qarabağ atlarının da köçkün həyatı bitir...
masin.az

Qarabağ atlarının da köçkün həyatı bitir...

Dünyanın ən sürətli, ən dözümlü və ən sədaqətli at cinslərindən olan Qarabağ atları... O atlar ki torpaqlarımızın işğalı ilə əlaqədar öz tarixi yurd yerlərindən didərgin düşüblər. Amma qarabağlılar kimi Qarabağ atlarının da köçkün həyatına son qoyulmasına az qalır. Bu, döyüş meydanında qazandığımız qələbələrin hesabına Ağdamın da işgaldan azad edilməsi ilə mümkün olacaq. Hələlik isə bu unikal cins Ağcabədidə qorunur.

27 ildir köçkün həyatı yaşayır Qarabağ atları. İşğal nəticəsində Ağdamdan Ağcabədiyə yol qət edib. Düzdür, burada da atlar üçün əla şərait yaradılıb. Amma yenə də dünyaya yayıldıqları, məşhurlaşdıqları bir mərkəz var: Qarabağ, Ağdam...

Əfsanəvi Qarabağ atları qızılı-kürən rəngiləri ilə çox cazibədardırlar. Hətta fransız xanımları vaxtilə öz saçlarını və şenyonlarını bu heyvanın rənginə oxşadaraq açıq rəngdə boyadıblar.

Hazırda Ağcəbədidəki kompleksdə Qarabağ cinsindən olan 300-ə yaxın at saxlanılır. Bir müddət əvvəl tükənmək təhlükəsi ilə üzləşsə də, son 10 ildə görülən tədbirlər nəticəsində Qarabağ  atlarının şöhrəti yenidən özünə qayıdır. Qarabağın əmanətləri burada qəfəslərdə yetişdirilir, onlara fərdi qaydada qulluq göstərilir.

Mənbə: medeniyyettv.az

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

masin.az

Gözəl süni şəlalə

Redaktor seçimi

SON XƏBƏRLƏR