1. AVTO VƏ MOTO

Qışda avtomobilin yük bölməsində niyə tez-tez su yaranır?

Qışda avtomobilin yük bölməsində niyə tez-tez su yaranır?

Bir neçə səbəbi var

Avtomobil gövdəsi bütövlükdə "hermetik"dir. Bu o deməkdir ki, içəridəki hər hansı bir nəm, şüşədəki kondensasiya və rezin xalçalardakı gölməçələr deyilsə, həyəcan siqnalı yaratmalıdır. Üstəlik, avtomobil sahiblərinin praktik olaraq nəzər yetirmədiyi yerlərdə görünə bilər. Məsələn, yük bölməsində ehtiyat təkərinin altında. AVTO KLUB AZƏRBAYCAN suyun rənginə görə haradan yarandığını müəyyənləşdirdi.

Yük bölməsində su – avtomobil sahibləri üçün geniş yayılmış ümumi bir problemdir. Maye, ehtiyat təkərin altından sızır, burada aşkarlanması çətin olur və salondakı xoşagəlməz qoxu mənbəyi olmaqla yanaşı metalın korroziyaya uğramasına da səbəb olur. Bəs orada necə yaranır?

"Düşmən"in avtomobildə bir küncə girməsi üçün kifayət qədər yayılmış üsullar var. Məsələn, yük bölməsi qapağının aralığı vasitəsilə.

Əgər, arxa bamperi çıxarsanız, altından kauçuk qapaqlar – klapan - pərdələrlə örtülmüş geniş, düzbucaqlı lyuklar tapa bilərsiniz. Birbaşa təyinatı – bir neçə sərnişinin eyni vaxtda qapıları örtdüyü zaman sərnişin bölməsindən artıq təzyiqi azaltmaq və daxili havalandırmanı təmin etməkdir. Yanlış quraşdırıldıqları və ya quruluşun bütövlüyünü itirmiş olduqları təqdirdə, rütubət onlar vasitəsi ilə daxil ola bilər, məsələn, rezin klapanlardan biri düşmüşdür.

Problemin həlli zədələnmiş və ya itirilmiş klapanın dəyişdirilməsi və quraşdırılmasıdır.

Həmçinin, su arxa fənərlərdən və ya qaynaqlanmış gövdə panellərinin sızan birləşmələrindən gövdəyə daxil ola bilər: yanacaq çənini "ərazisi"ndən və ya yük bölməsinin suyun axması üçün hazırlanmış yan kanallardan. Bu problem sahələrinə diqqət yetirməlisiniz. Birincisi, köhnəliyindən və ya zavod nəzarətçilərinin nəzarətsizliyi səbəbindən tikişlər möhkəmliyini itirə bilər, ikincisi, sızıntının olması avtomobilin qəzaya düşdüyünü göstərə bilər.

Lakin, suyun gövdəyə axmasını təmin etmək ehtimalı daha çox olan daha bir neçə problem sahəsi var. Bundan əlavə, mayenin rənginə görə, görünüşünün mənbəyinin nə olduğunu dəqiq bir şəkildə təyin etmək olar.

Əgər su çirklidirsə, böyük ehtimalla aşağıdan – yəni, yolun gölməçə və palçıqlı hissələrindən keçərkən ehtiyat təkərin altından daxil olub. Su şəffafdırsa – deməli haradansa yuxarı bir yerdən sızır.

Çirkli su olduqda, amortizator dayaqlarının drenaj tıxaclarına çatmaq, onları çıxarmaq, bütövlüyünü yoxlamaq və "hermetik"lə işləyib, yerinə quraşdırmaq lazımdır. Əgər, əldən avtomobil alırsınızsa, tıxacların olub – olmaması yoxlanılmalıdır. Bəzən, onların yerinə, tənbəllik və səliqəsizlik səbəbindən bəzi sahiblər "skotç"dan istifadə edirlər.

Ən dəhşətlisi, əgər korroziyanın artıq başlaması və gövdənin dibini içindən keçib "gəmirməsi"dir. Bu vəziyyətdə bir qaynaqçı axtarmalı, bir yamaq qoymalı və korroziyaya qarşı tərkibli bir qatqı düzgün "müalicə" etməlisiniz.

Əgər, yük yerində şəffaf su yaransa, onun yaranma səbəbi yuxarıda axtarılmalıdır. Yuxarıda qeyd olunan yük bölməsi aralığı və arxa fənərlərə əlavə olaraq, nəmlik çatlamış antenna aralığı vasitəsi ilə (arxa qanadda quraşdırılmışsa) salona daxil ola bilər. Sızıntı həm rezin tıxacın dəyişdirilməsi ilə, həm də yaxşı "hermetik" ilə aradan qaldırıla bilər.

Heçbeklərdə və universallarda su, çatlamış arxa pəncərə "hermetik" vasitəsi ilə daxil ola bilər. Vəziyyətə yenidən kleyləmə kömək edəcəkdir.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

İnsan hər dəfə nəfəs aldıqda ağciyərlərdəki havanın 17%-i yenilənir.

Redaktor seçimi

SON XƏBƏRLƏR