Qızılağacdakı yanğın söndürüldü
Neftçala rayonu, Qızılağac Milli Parkında baş vermiş yanğın ərazinin çətin keçilən bataqlıq və küləkli hava şəraitinə baxmayaraq tam söndürülüb.
FHN Mətbuat xidmətindən "Qafqazinfo" ya verilən məlumata görə, Fövqəladə Hallar Nazirliyinin qüvvələri tərəfindən həyata keçirilmiş zəruri və təxirəsalınmaz tədbirlər nəticəsində Milli Parkın böyük hissəsi yanğından mühafizə olunub.
Yanğın nəticəsində təxminən 200 hektar sahədə kol-kos və qamışlıq yanıb.
Qeyd edək ki, yanğınla mübarizə tədbirlərində FHN-in Dövlət Yanğından Mühafizə Xidmətinin qüvvələri və Aviasiya dəstəsinin iki ədəd helikopteri, Ekologiya və Təbii Sərvətlər Nazirliyi Meşə təsərrüfatı mərkəzinin əməkdaşları və yerli icra hakimiyyətinin müvafiq qüvvələri iştirak edib.
Şərhlər
Şərhləri göstər Şərhləri gizlət