8 aprel 2020, çərşənbə
.
.
chevron_left chevron_right
AZƏRBAYCAN

QSC-nin rəhbərliyindəki dəyişikliyə səbəb nədir?

QSC-nin rəhbərliyindəki dəyişikliyə səbəb nədir?

158 Baxış
QSC-nin rəhbərliyindəki dəyişikliyə səbəb nədir?

“Azərbaycan Xəzər Dəniz Gəmiçiliyi” QSC rəhbərlikdə baş verən dəyişikliklə bağlı açıqlama yayıb.

Qurumdan “Qafqazinfo”ya daxil olan xəbərdə bildirilir ki, son günlər mediada Gəmiçiliyin Təchizat departamentində aparılan kadr dəyişikliyi yanlış tərəfə istiqamətləndirilir. 

“QSC olaraq bildirmək istəyirik ki, yayılan xəbərlər həqiqəti əks etdirmir. Şirkətdə işin səmərəliliyini daha da artırmaq üçün kadr dəyişikliyi aparılıb. Zakir Əliyev Təchizat departamentinin rəisi vəzifəsinə təyin olunub. Departamentin əvvəlki  rəisi Elman Qasımov və onun müavini Vüqar Allahverdiyev isə bundan sonra fəaliyyətlərini Layihələrin İdarəedilməsi departamentində davam etdirəcəklər. 

Saytlarda “Azərbaycan Xəzər Dəniz Gəmiçiliyi” QSC sədrinin müavini Cəbrayıl Mahmudlunun səlahiyyətlərinin əlindən alınması ilə bağlı yayılan məlumatlar da həqiqətləri əks etdirmir. O, hazırda da öz vəzifəsini icra etməkdədir”. 

Xatırladaq ki, yayılan xəbərlərdə bildirilirdi ki, “Azərbaycan Xəzər Dəniz Gəmiçiliyi” QSC-də daxili yoxlama başlayıb.  AXDG-nin sədri Rauf Vəliyevin tapşırığı ilə başladılan araşdırmanın səbəbi idarədəki yeyinti şübhəsi olub. Yoxlama başlayandan dərhal sonra əsas şübhəlilər – təchizat departamentinin rəisi Elman Qasımov və müavini Vüqar Allahverdiyev işdən uzaqlaşdırılıb. Həmçinin, əsas şübhəlinin AXDG sədrinin təzhizat, nəqliyyat və sosial məsələlər üzrə müavini Cəbrayıl Mahmudlu olduğu qeyd olunurdu. 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Xəzər dənizinin tarixən 100-dək adı olmuşdur.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X