2 aprel 2020, cümə axşamı
.
.
chevron_left chevron_right
SƏYAHƏT VƏ TURİZM

Qubanın təbiət gözəli - Afurca şəlaləsi turistlərin diqqət mərkəzində

Qubanın təbiət gözəli - Afurca şəlaləsi turistlərin diqqət mərkəzində

1648 Baxış
Qubanın təbiət gözəli - Afurca şəlaləsi turistlərin diqqət mərkəzində

Quba rayonuna gələn turistlər daha çox Quba-Xınalıq və Quba-Afurca marşrutları üzrə səyahət edirlər.

AZƏRTAC-ın bölgə müxbiri xəbər verir ki, Quba-Xınalıq marşrutu üzrə səyahət edənlər dünyanın ən yüksək yaşayış məntəqələrindən biri, dəniz səviyyəsindən 2350 metr yüksəklikdə yerləşən Xınalıq kəndini, Qəçrəş meşələrini görmək imkanı qazanır. Quba-Afurca istiqamətində səfərə çıxanlar isə Qubanın təbiət gözəli Afurca şəlaləsinin əsrarəngiz mənzərəsinə tamaşa edirlər.

Quba Turizm İnformasiya Mərkəzindən bildirilib ki, son illər həm yerli həm də xarici turistlər arasında Afurca şəlaləsini görmək, ətrafında dincəlmək istəyənlərin sayı artıb. Xınalıq, Qəçrəş kəndləri ilə yanaşı Afurca şəlaləsi də turist sıxlığına görə ilk yerlərdə durur.

Afurca şəlaləsi Quba rayonunun cənubunda yerləşir. O, təbiətin yaratdığı ən gözəl abidələrdən biri hesab olunur. Təxminən 75 metr hündürlükdən axan şəlalə geoloji təbiət abidəsi kimi qeydə alınıb və dövlət tərəfindən mühafizə edilir.

Afurca kəndi rayon mərkəzinin 36 kilometrliyində, dəniz səviyyəsindən 1200 metr hündürlükdə yerləşir. Dağdan tökülən ağappaq şəlalənin gözəlliyinə tamaşa etmək və onun ətrafında dincəlmək üçün meşədən keçən 200 metr yolu qət etmək lazımdır.

Şimal bölgəsinin ən məşhur şəlaləsi olan Afurca Vəlvələ çayının Təngə dağından axan hissəsidir. Hər gün təbiətin bu gözəlliyinə tamaşa etmək üçün çox sayda yerli və xarici turistlər gəlir.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Türkiyədə şəhid düşən əsgərin bacısı dəfn mərasiminə qardaşının formasınında.... Gözlər hər şeyi deyir...
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X