Qurban Qurbanov yeni futbolçular axtarır
“Futbolçularımızı, azarkeşlərimiz və bütövlükdə komandamızı, rəhbərliyi təbrik edirəm. Titulumuzu qoruduqlarına görə oyunçulara təşəkkür edirəm”.
Bu sözləri “Qarabağ”ın baş məşqçisi Qurban Qurbanov Azərbaycan Premyer Liqasının XXVII turunda, evdə “Səbail”i 4:0 hesabı ilə məğlub etdikləri oyundan sonra deyib.
O, ilk dəfə avrokuboka vəsiqə qazanan paytaxt təmsilçilərini də təbrik edib.
Qurbanovun sözlərinə görə, heyətdə dəyişikliklər olacaq:
“Ancaq yenə də öz oyunumuzu oynamağa çalışacağıq. Hər bir futbolçu bizim üçün dəyərlidir. Ancaq bəziləri ilə yollar ayrılmalıdır. Ancaq onlar sayı çox deyil. Yeni futbolçularla bağlı axtarışımız gedir. Hələ Reynaldo barədə də qərar verməmişik. Bu üzdən onun başqa kluba keçmə ehtimalı barədə nəsə deyə bilmərəm”.
Şərhlər
Şərhləri göstər Şərhləri gizlət