Ens.az
9 dekabr 2019, bazar ertəsi
.
.
chevron_left chevron_right
İDMAN

Rahid Əmirquliyev: 'İki oyuna 6 qol buraxmışıqsa, deməli, komanda olaraq pis müdafiə olunmuşuq'

Rahid Əmirquliyev: 'İki oyuna 6 qol buraxmışıqsa, deməli, komanda olaraq pis müdafiə olunmuşuq'

124 Baxış
Rahid Əmirquliyev: 'İki oyuna 6 qol buraxmışıqsa, deməli, komanda olaraq pis müdafiə olunmuşuq'

Avropa Liqasının I təsnifat mərhələsinin cavab qarşılaşmasında Rumıniyanın “Universitatya” klubuna 2:3 hesabı ilə məğlub olan “Səbail”in kapitanı Rahid Əmirquliyev "Report"un Krayovaya ezam olunmuş əməkdaşının suallarını cavablandırıb.

Rəqib adlı-sanlı idi, amma komandanız iki oyuna 4 qol vursa da, hər iki matçda məğlub oldu. Rumınları keçməyə nə mane oldu?

- Rəqibi yaxşı təhlil etmişdik. “Universitatya”nın zəif yerlərini müəyyənləşdirmişdik. Bundan istifadə etməliydik. Oyuna müdafiədən başladıq. İstəmirdik ki, qol buraxaq. Təəssüf ki, qapımızın toxunulmazlığını qoruya bilmədik. Açıq deyirəm, birinci hissədə çox zəif oynadıq. Fasilədən sonra qapımızda daha bir qol görsək də, ruhdan duşmədik. Sürəti artırdıq, rəqibi sıxdıq və ardıcıl iki qol vurduq. Heyif ki, hava-su kimi lazım olan 3-cü qolu vura bilmədik. Əvəzində isə öz qapımızda top gördük.

İki oyunun nəticəsini necə qiymətləndirirsiniz?

- “Səbail” tarixində ilk dəfə idi ki, qitəmiqyaslı turnirdə iştirak edirdi. Cəmi 3 ildir fəaliyyət göstərir. Doğrudur, heyətimizdə beynəlxalq təcrübəsi olan futbolçular var. Ancaq rəqiblə müqayisə etdikdə...Əlbəttə, heç kim uduzmaq istəməz. Hesab edirəm ki, layiqli mübarizə apardıq.

“Səbail" ardıcıl iki oyunda qapısında 3 qol gördü. Komandanın kapitanı buna necə qiymət verir?

- Bunu tək müdafiənin üstünə atmaq istəmirəm. Səhv varsa, qol buraxılıbsa, bu, bütün komandanın günahıdır. Ancaq iki oyuna qapımızda 6 qol görmüşüksə, deməli, komanda olaraq pis müdafiə olunmuşuq.

Komandanız iki oyuna reytinq üçün 1 xal belə götürmədi. Razısınız ki, bu, uğursuzluqdur?

- Əlbəttə, xal götürməməyimizi də, mərhələni adlamamağımızı da uğursuzluq saymaq olar. Ancaq oyun baxımından bu cür rəqibə layiqli müqavimət göstərdik. Bütün hallarda, məğlub olmuşuq, bu da həm bizim, həm də futbolumuz üçün pis haldır.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Fransız dilində L'appel du vide sözü var ki, tərcümədə "Boşluq harayı" mənasını verir. Bu ifadə tez-tez yaranan qarşı yola çıxıb tam sürətlə hərəkət etmək və ya heç zaman ürək etmədiyimiz yüksəkdən tullanma istəyinin yaranmasını ehtiva edir.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X