Ens.az
18 oktyabr 2019, cümə
.
.
chevron_left chevron_right
ŞƏHİDLƏR

Raquf Orucovun xanımından şəhid polislərin ailəsinə dəstək

Raquf Orucovun xanımından şəhid polislərin ailəsinə dəstək

98 Baxış
Raquf Orucovun xanımından şəhid polislərin ailəsinə dəstək

Aprel şəhidi” polkovnik-leytenant Raquf Orucovun həyat yoldaşı,  "ZƏFƏR" Şəhid ailələrinə dəstək ictimai birliyi rəhbəri Sevinc Orucova  aprel döyüşlərində şəhid olanların ailələri adından "Gəncə hadisələri” zamanı xidməti vəzifəsini yerinə yetirərkən iğtişaşçılar tərəfindən öldürülən polis polkovnik-leytenantları İlqar Balakişiyev və Səməd Abbasovun ailə üzvlərinə dəstək olub.

S.Orucova prezident İlham Əliyevə müraciət edərək bu işin ədalətli araşdırılması, polis zabitləri İlqar Balakişiyev və Səməd Abbasovun qətlində, Gəncədəki iğtişaşların baş verməsində günahı olanlara layiqli cəza verilməsini xahiş edib.

Şəhid xanımı “Qafqazinfo”ya müsahibəsində həmin ailələrin yanında olduğunu bildirib: “Mən şəhid polislərin ailələrini gözəl anlayıram. Onların ağrısını, acısını ən yaxşı dərk edən ailələrdən biri də bizik. Bir fərqimiz var, mənim həyat yoldaşım Raquf Orucov bizim əbədi, əzəli düşmənlərimiz ermənilər tərəfindən şəhid edilib, amma polis polkovnik-leytenantları Azərbaycanın ikinci ən böyük şəhəri olan Gəncənin mərkəzində öz millətimizin nümayəndələri tərəfindən həlak edilib. 

Heç bir cinayət cəzasız qalmır və qalmamalıdır. Bu gün həmin şəxslər əfv edilib azadlığa buraxılsa, biz o polislərin övladlarının gözünə necə baxa bilərik?  İğtişaşlarda günahı olanlar azadlığa buraxılarsa, sabahısı gün sabitliyi necə təmin edə bilərik?"

Qeyd edək ki, bu işlə bağlı təqsirləndirilən şəxslər məhkəmə hökmü ilə cəzalandırıldıqdan sonra onların yaxınları aksiyalar keçirərək buna etiraz edib və həmin şəxslərin azadlığa buraxılmasını tələb ediblər. Qətlə yetirilən polislərin ailə üzvləri isə bu işdə günahı olanların layiqli cəza almasını, heç bir kəsə güzəştə gedilməməsini tələb edirlər.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Albert Eynşteynin Prinstondakı ofisi. Eynşteynin stolunda hər zaman çoxlu sənəd, müxtəlif mövzulu kitablar olurdu. Onun belə bir sözü var: Əgər stoldakı qarışıqlıq beyindəki qarşılıqdırsa, bəs boş stol nə məna daşıyır?
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X