"Real" hansı ulduzları transfer etmək istəyir?
Ötən gün "Çelsi"dən qapıçı Tibo Kurtuanı heyətinə qatan "Real" transfer çalışmalarını davam etdirir. SİA-nın məlumatına görə, Mateo Kovaciçin "Çelsi"yə icarəyə verilməsindən sonra yarımmüdafiənin mərkəzinə oyunçu axtaran "Kral Klubu" iki ulduzu hədəfə alıb.
Bunlardan biri "Bavariya"dan Tyaqo Alkantara, digəri "Yuventus"dan Miralem Pyaniçdi. Alkantara üçün almanların 60, Pyaniç üçün italyanların 80 milyon avro istədiyi bildirilir.
"Real"ın əsasən Miralem Pyaniç variantı üzərində dayandığı bildirilir.
Qeyd edək ki, Alkantara 2013-cü ildə "Barselona"dan "Bavariya"ya 25 milyon avoya transfer olunub. "Yuventus" isə Pyaniçi 2016-cı ildə "Roma"dan 32 milyon avroya alıb.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət