16 fevral 2020, bazar
.
.
chevron_left chevron_right
TÜRKİYƏ

Regionun taleyini dəyişən Böyük Gün

Bu gün Türkiyədə Cümhuriyyət Bayramı qeyd edilir

Regionun taleyini dəyişən Böyük Gün

Bu gün Türkiyədə Cümhuriyyət Bayramı qeyd edilir.

Axar.az xəbər verir ki, Türkiyə Respublikasının qurucusu Mustafa Kamal Atatürk Qurtuluş savaşında Qərb ölkələri üzərində qələbədən sonra 1923-cü il oktyabrın 29-da Cümhuriyyətin qurulduğunu elan edib.

Hələ Birinci Dünya savaşından sonra Antanta dövlətləri tərəfindən İstanbul, İzmir və digər Osmanlı torpaqlarının işğalı Türk Milli Hərəkatının ortaya çıxmasını şərtləndirib. Bundan sonra 1919-cu il mayın 19-da Atatürkün rəhbərliyi altında Qurtuluş Savaşı başlayıb. 1922-ci il sentyabrın 18-də isə bütün düşmən hərbi qüvvələri ölkədən qovulub. 1923-cü il oktyabrın 29-da rəsmən paytaxtı Ankara olan Türkiyə Cümhuriyyəti elan edilib.

Atatürk 1933-cü il oktyabrın 29-da Cümhuriyyətin 10-cu ili ilə bağlı keçirilən tədbirdə bu günü “ən böyük bayram” kimi qiymətləndirib.

Mustafa Kamalın Cümhuriyyətin qurulmasından bir gün əvvəl dediyi “Əfəndilər, sabah Cümhuriyyəti elan edəcəyik” sözlərini bütün dünya türkləri fəxarətlə xatırlayır. Çünki sonradan bu söz təkcə bir toplumun, bir xalqın, ulusun deyil, bütün regionun, tarixin gedişatını dəyişdi.

Bu gün Türkiyə Respublikası öz gücünə görə dünyada söz sahibi olan ölkələrdən biridir. 95 yaşını qeyd edən qardaş ölkənin builki bayramı mühüm bir ilklə yadda qalacaq. Belə ki, Türkiyə Prezidenti Rəcəb Tayyib Ərdoğan İstanbulda yeni hava limanının açılışını edəcək. Bununla yanaşı, o, Atatürkün dəfn olunduğu Anıtqəbir Kompleksini ziyarət edəcək və Türkiyənin müxtəlif yerlərində keçiriləcək bayram tədbirlərinə qatılacaq.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Florida, ABŞ
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X