Ens.az
24 oktyabr 2019, cümə axşamı
.
.
Ülfət Ziyafətqızı

Rəssam

Rəssam şeiri

Götür çək ruhumun rəsmini,rəssam,

Mənim gözlərimi sevgiyə boya.

Titrət kagız üstə səsimi,rəssam,

Baxan hönkürtümü rəngindən duya..

 

Gəl islat fırçanı arzularıma,

Min ömrü sığışdır bir damla yaşa.

Gecəmi mürgülü yuxularıma

Elə yoz ölümün kölgəsi düşə..

 

Kədər sığallasın son güvənimi,

Dağıt saçlarımı xəyallarımtək,

Qarala fırçanla sən dünənimi,

Qırılmış qəlbimi sabahlara tik.

 

Cız mənim yolumu bir tablo üstə

Dünyadan uzanıb cənnətə getsin,

Bağla gözlərimi sən asta-asta,

Bir eşqin nağılı rəsmimlə bitsin...


X