Ronaldo rekorda doğru — 11 qol qaldı
Portuqaliyalı futbol ulduzu Kriştianu Ronaldo tezliklə milli komandalarda vurulan qol sayına görə dünya rekordçusu ola bilər.
“Qafqazinfo” xəbər verir ki, AVRO-2020-nin seçmə mərhələsində Portuqaliyanın Litvanı 6:0 hesabı ilə məğlub etdiyi qarşılaşmada Ronaldo 3 qola imza atıb. Bununla 34 yaşlı forvard karyerasında 55-ci het-trikini edib. Ronaldo sonuncu dəfə bu ilin sentyabrında - yenə Litva ilə matçda 4 qol vurmuşdu.
Ronaldo dunənki het-trikindən sonra millidə vurduğu qolların sayını 98-ə çatdırıb. İndi onu dünya rekordçusu - İran yığmasında oynamış cənublu soydaşımız Əli Daidən (109 qol) cəmi 11 top ayırır.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət