Rusiya ordusu var gücü ilə hücum edir - Malyar

Ukrayna hərbçiləri Rusiya qoşunlarının Kupyansk və Liman istiqamətlərində irəliləyişinin qarşısını almaqda davam edir.

Ens.az Axar.az-a istinadən xəbər verir ki,  bunu Ukrayna müdafiə nazirinin müavini Anna Malyar deyib.

"Orada düşmən müdafiəmizdə zəif yerlər axtarır, top atəşinə tutur, piyada dəstələri ilə hücuma keçərək xüsusi təyinatlılardan istifadə edir, var gücü ilə müdafiəmizi yarmağa çalışır, ancaq uğursuz olurlar. Bu istiqamətlərdə hərbçilərimiz düşməni dayandırmaq üçün bütün tədbirləri görür. Qoşunlarımız Baxmut şəhəri ətrafında hücum əməliyyatlarını uğurla davam etdirir”, - Malyar bildirib.

Cənub cəbhəsindəki vəziyyət barədə məlumat verən Malyar qeyd edib ki, Ukrayna qoşunları Melitopol və Berdyansk istiqamətlərində hücum əməliyyatını davam etdirir və tədricən irəliləyir:

"Staromayorskoye bölgəsində döyüşlər davam edir, müdafiəçilərimiz irəliləyir, ələ keçirilmiş xətlərdə mövqelərini gücləndirirlər. Düşmən itirilmiş mövqelərini, xüsusən də Zaporojye vilayətinin Rabotino şəhərinin şimal-şərqində itirdiyi mövqelərini qaytarmağa çalışır. Lakin heç bir nəticə yoxdur".