Rusiya və Ukraynanı dialoqa çağırırıq - Bayramov

Rusiya və Ukraynanı dialoqa çağırırıq - Bayramov

Azərbaycan Ukraynadakı hazırkı böhranın dinc əhali arasında böyük itkilərə səbəb olmasından təəssüflənir.

Ens.az Axar.az-a istinadən xəbər verir ki,  bunu Azərbaycanın xarici işlər naziri Ceyhun Bayramov BMT-nin İnsan hüquqları üzrə Şurasının 49-cu iclasında videoformatda çıxışı zamanı bildirib.

O, dinc əhalinin həyatının və infrastrukturunun qorunmalı olduğunu vurğulayıb:

“Bu böhranın, xüsusən də onun dinc əhaliyə təsirinin qarşısının alınması üçün təxirəsalınmaz tədbirlər görülməlidir”.

XİN rəhbəri Azərbaycanın Ukraynaya humanitar yardım göndərdiyini xatırladıb.

“Azərbaycan dialoqa çağırır və tərəflər arasında birbaşa danışıqların zəruriliyini qeyd edir”, - C.Bayramov deyib.