19 fevral 2020, çərşənbə
.
.
chevron_left chevron_right
İDMAN

Ruslar imtina etdi, boksçumuz Olimpiadaya buraxıldı

Argentinanın paytaxtı Buenos Ayresdə keçiriləcək yarışda daha bir boksçumuz iştirak hüququ qazanıb

Ruslar imtina etdi, boksçumuz Olimpiadaya buraxıldı

Boks üzrə Azərbaycan yığması Yeniyetmələrin III Yay Olimpiya Oyunlarında iki idmançı ilə təmsil olunacaq. 

Oxu.Az xəbər verir ki, bu ilin oktyabrında Argentinanın paytaxtı Buenos Ayresdə keçiriləcək yarışda daha bir boksçumuz iştirak hüququ qazanıb.

Olimpiadada ölkəmizin idman şərəfini Avropa çempionu Nurlan Səfərovla (60 kq) yanaşı, birinciliyin gümüş medalçısı Nicat Həsənov (69 kq) da qoruyacaq. Bu, Rusiya yığmasının Olimpiadaya həmyerlimizin çəki dərəcəsində boksçu aparmayacağını açıqladıqdan sonra rəsmiləşib. 

Belə ki, İtaliyanın Rozeto-deli-Abrutsi şəhərində keçirilmiş Avropa birinciliyində şimal qonşularımızın beş üzvü çempion olduğundan, onlar Oyunlara eyni sayda da lisenziyaya yiyələnmişdilər. Lakin qaydalara görə, yarışda hər ölkə maksimum üç idmançı ilə təmsil oluna bilər.

Bu səbəbdən də rusların imtina etdikləri iki çəkidən biri 69 kq olub. Həsənov da qitə birinciliyinin finalında Rusiya millisinin üzvü Cambulat Bijamova məğlub olsa da, Olimpiadada iştirak hüququ boksçumuza verilib.

Qeyd edək ki, Oyunlara Avropa qitəsi cəmi doqquz boksçu ilə qatılacaq. Buenos Ayresə Rusiya üç, Azərbaycanla İtaliya hərəyə iki, Ukrayna və Macarıstan isə hərəyə bir idmançı ilə yollanacaq.

Mənbə:Oxu.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
San Fransiskoda yerləşən bir şirkətin laboratoriyada toyuq tükündən hazırladığı toyuq əti
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X