S-500 kompleksləri yüzlərlə kilometr yüksəklikdəki hədəfləri məhv edəcək

Ens.az xəbər verir ki, perspektivli Rusiya S-500 zenit-raket sistemi yerdən yüzlərlə kilometr məsafədə yuxarıda - atmosferdəki hədəfləri məhv edə biləcək.

Kompleksin bəzi xüsusiyyətləri barədə fevralın 10-da jurnalistlərə məlumat verən «Алмаз-Антей" konserninin baş konstruktoru Pavel Sozinov bildirib ki, sitem Yerdən yüzlərlə kilometr aralıqda, atmosferin üst qatlarındakı hədəfləri məhv etmək imkanına sahib olacaq.

S-500 sistemi həm hava hücumuna qarşı, həm də raket əleyhinə müdafiə kimi müxtəlif məsələləri həll edəcək.

"Aerokosmik hücum silahlarının inkişafı ilə bağlı növbəti 25 il üçün proqnoz verməyə çalışdıq və güman edirik ki, bu müddətdə potensial düşmənin əldə edə biləcəyi xüsusiyyətlər baxımından bu sistem çox etibarlı olacaq. Buna görə S-500 hələ mövcud olmayan, lakin beş, yeddi və ya 10 il sonra yaradılacaq vasitələrlə işləməyi bacarmalıdır "deyə Sozinov izah edib.

Qeyd edək ki, Rusiya Federasiyası Müdafiə Nazirliyi rəhbərinin müavini Aleksey Krivoruçko bir müddət öncə verdiyi açıqlamada S-500 “Prometey” hava hücumundan müdafiə sisteminin sınaqdan keçirildiyini və 2020-ci ildə kütləvi istehsal və orduya tədarük üçün hazır olacağını söyləmişdi.