Dünyasını dəyişmiş əziz anamın xatirəsinə ithaf edirəm.
Sənə uca dağ desəm
Yox, yanılmış olaram.
Dağ başındakı qarsan
O qar kimi saf, təmiz
O qar kimi parlaqsan.
Sənə ümmansan desəm
Yox, yanılmış olaram.
Ümmanlardan ənginsən
Dəryalardan dərinsən
Dünyanın ən savadlı
Alimindən zənginsən.
Sənə qartalsan desəm
Yox, yanılmış olaram.
Qartal səndən borc almış
O iti caynaqları
O uçan qanadları.
Sənə canımsan desəm
Yox, yanılmış olaram.
Canımı canlandıran
Damarımda qanımsan,
İki gözümün nuru
Ürəyimin tamısan.
Səni tərif etməyə
Yetmir ağlım, düşüncəm
Çünki bu dünyaya mən
Səndən sonra gəlmişəm.
Sən sadəcə Anasan
Yer üzünün əşrəfi
Gəlməz tarazlığına
Bütün dünya sərvəti.
Dekabr-2015
Şərhlər
Şərhləri göstər Şərhləri gizlət