Sağlam qidalanma: nə üçün daha çox pendir yemək lazımdır

Müəyyən qidalar kateqoriyası var ki, sağlam qidalanma çərçivəsində böyük miqdarda onlardan istifadə etmək olar. Pendir də onlara aiddir. Çünki o, zülal və digər komponentlərlə zəngindir.

Pendirin o qədər də faydalı olmayan yeməklərdə - pizza, pastalar, çizburqerlərdə olması onu zərərli etmir. Ens.az Joinfo.ua saytına istinadən nə üçün daha çox pendir yemək lazım olduğu barədə məlumat verəcək.

Faydalı yağlar

Pendirdə həm doymuş, həm də doymamış yağların balanslaşdırılmış miqdarı var. Buna görə də zərərli xolesterol orqanizmin normal işinə mane olmur. Xüsusilə pendiri normal miqdarda istifadə edərkən.

Ürək-damar xəstəlikləri riskinin azalması

Təkcə xolesterolun deyil, həmçinin bu qida məhsulunun hesabına. Məsələn: qidalanma problemlərinə həsr olunmuş Avropa jurnalındakı məqalədə deyilir ki, hər gün az miqdarda pendir yeyən insanlar ürək-damar sisteminin problemlərindən 14% daha az əziyyət çəkirlər.

Daha az insult riski

2016-cı ildə Amerikan Assosiasiyası jurnalında nəşr olunan bir araşdırmaya görə pendir qəbulu insultun inkişafı riskini 3% azaldır.

Diabet riskinin azalması

Xüsusilə ikinci növü. Məntiqli olan budur ki, nə qədər çəki az olsa, bir o qədər də insulinlə bağlı problem əldə etmək şansı az olar. Pendir mədəaltı vəzinin işinin pozulması zamanı belə qəbul etmək olar.

Əzələ kütləsinin gücləndirilməsi

«Clinical Interventions in Aging» adlı tibbi jurnalda dərc olunmuş araşdırmaya əsasən 12 həftə ərzində gündə 200 qram rikotta pendirinin qəbulu 60 yaşından yuxarı insanlarda əzələ kütləsini artıra bilir. Məlumdur ki, bu yaşda özünü formaya salmaq çox çətin olur.

Görmənin yaxşılaşması

Pendirdə gözlər üçün çox faydalı olan A vitamini var. Əlbəttə, onda qaragilə və digər məhsullardakından daha azdır, amma yenə də müsbət təsir üçün kifayət qədərdir.

Qan hüceyrələrinin möhkəmləndirilməsi

Pendirdə B12 var ki, qan üçün çox faydalıdır, amma Amerika və Avropa sakinlərinin ənənəvi qidalanmasında az istifadə olunur.

Az yeməyə kömək edir

Böyük miqdarda zülal və yağların hesabına pendir qısa zamanda doymaq hissini yaradır. Bir neçə hissə tam doymaq üçün bəsdir, bu da həm kalori gətirməyəcək və faydalı olacaq.

Pendir sadəcə dadlıdır.

Axı bir-birindən fərqlənən xeyli sayda pendir növü var. O qədərdir ki, hər kəsin xoşuna gələcək dadda pendir var. Kifli müxtəlif pendirlərlə isə ehtiyatlı olmaq lazımdır - onlar çox spesifik və bahadır.