Şah İsmayıl Xətai - Dilbəra, ol ay yüzün xyrşidi-tabandır mana
Dilbǝra, ol ay yüzün xyrşidi-tabandır mana,
Bağçan içindǝn axan su, abi-heyvandır mana.
Mǝscidǝ varmaq nǝ hacǝt, dedim, ey zahid, mana,
Ruy ilǝ zülfi anın, küfrilǝ imandır mana.
Müddǝilǝr tǝnǝsindǝn sanmanız kim, mǝn dönǝm,
Ol mǝnim canım içindǝ cani-canandır mana.
Mǝn sǝninlǝ söylǝşǝndǝ gǝr zimistan, gǝr bahar,
Hǝr nǝ çağ görsǝm sǝni, alǝm gülüstandır mana.
Ey Xǝtai, çün sǝnǝ hǝqdǝn nǝzǝrdir hǝr zaman,
Eşqin ilǝ bu hǝyatım baği-rizvandır mana.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət