29 may 2020, cümə
.
.
chevron_left chevron_right
İDMAN

Şahmat üzrə respublika olimpiadasında 500-dək idmançı mübarizə aparır

Şahmat üzrə respublika olimpiadasında 500-dək idmançı mübarizə aparır

557 Baxış
Şahmat üzrə respublika olimpiadasında 500-dək idmançı mübarizə aparır

Gənclər və İdman Nazirliyinin, Azərbaycan Şahmat Federasiyasının birgə təşkilatçılığı ilə Qusarda keçirilən şahmat üzrə respublika olimpiadasında 46 şəhər və rayondan 496 idmançı mübarizə aparır.

AZƏRTAC-ın bölgə müxbiri xəbər verir ki, Qusar Olimpiya İdman Kompleksində keçirilən olimpiada 16 yaşadək gənclər arasında təşkil olunub. On bir turdan ibarət yarış İsveçrə sistemi üzrə keçirilir. Yarışlarda 10 yaşadək idmançılar “B”, 10 yaşdan yuxarı şahmatçılar isə “A” qruplarında çıxış edirlər.

Olimpiadanın açılış mərasimində Qusar Rayon İcra Hakimiyyətinin başçısı Şair Alxasov, gənclər və idman nazirinin müavini İsmayıl İsmayılov və Azərbaycan Şahmat Federasiyasının vitse-prezidenti Faiq Həsənov çıxış edərək yarışların əhəmiyyətindən danışıb, idmançılara uğurlar diləyiblər. Bildirilib ki, Qusarın belə bir şahmat yarışına ev sahibliyi etməsi regionlarımızın sürətli inkişafından, şahmat idman növünə göstərilən yüksək dövlət qayğısından xəbər verir.

Yarışın baş hakimi, beynəlxalq dərəcəli hakim Qüdrət İsmayılov vurğulayıb ki, respublika şahmat olimpiadasında iştirak edən idmançılar arasında dünya və Avropa, eləcə də bir sıra nüfuzlu turnirlərin iştirakçıları da var.

Turnir iyulun 19-dək davam edəcək.

Olimpiadanın sonunda qalib idmançılar Gənclər və İdman Nazirliyinin, Azərbaycan Şahmat Federasiyasının və Qusar Rayon İcra Hakimiyyətinin xatirə medalları və qiymətli hədiyyələri ilə mükafatlandırılacaqlar.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
İsa Hüseynov, Nəbi Xəzri və Məstan Günər bacanaq idi. Onlar şair Davud Nəsibin bacıları ilə evlənmişdilər.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X