Şair Məmmədhüseyn - Dolanar
Bir gözəl ki, qəsdə dura, can üzə,
Ömrə-günə, qəm kəsilər, dolanar.
Yar deməsə daldada “çor”, “can” üzə,
Mehribandı, mehribanda dolanar.
Nola eşqim ovlayasan, çalasan,
Könlüm istər al sazını, çal asan.
Bu ömrümü öz ömrünə calasan,
Dodaq gülər, can başına dolanar.
Yar yarını çətin gündə sınayar,
Bu mən, o sən istəyirsən sına, yar.
Məmmədhüseynin qıyma qəlbi sına, yar,
Xəstəsiyəm, sinəm üstə dola nar.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət