Şair Məmmədhüseyn - Görmüşəm
Gizlətmə ay üzü yaşmaq altında,
Qaymaq dodağında balı görmüşəm.
Qara qaş üstündə, a mələkzadə,
Türfəndə bəslənmiş xalı görmüşəm.
Qəfil yan çevirdin bulaq üstündə,
Gördüm səni, girdim canım qəsdinə.
Xub yaraşır gəl gül verim dəstinə,
Ağ bədəni, incə əli görmüşəm.
Məmmədhüseynə nə işvə sat, nə dağ çək,
At ürbəndi kəklik kimi elə sək.
Bu səhər bulaqda nə yalan-gerçək,
Turunc məmələri dolu görmüşəm.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət