Şair Məmmədhüseyn - Oynasın
Gül eyvana çıxan dilbər,
Qoy yel vursun, tel oynasın.
Yanağında bir cüt qoşa
Açmış qızılgül oynasın.
Atlas geymisən bədənə,
Parlaq almaz, dümağ sinə.
Cavanlar həsrətdi sənə,
Süzdür incə bel oynasın.
Aşiqinəm, bir nəzər sal,
Şölə salsın o, ay camal.
Məmmədhüseynə gəl qonaq qal,
Sənlə bütün il oynasın.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət