Samsung-dan qeyri-adi məişət cihazları

Samsung-dan qeyri-adi məişət cihazları

"Samsung" şirkəti qeyri-adi məişət cihazları istehsal edib. 

TED.az xəbər verir ki, şirkətin “Portable Slim Double Induction” - ağıllı induksiyalı soba və “Samsung Shoe Care System” - ayaqqabı baxımı sistemi ictimaiyyətə nümayiş olunub.

Şirkətdən verilən məlumata görə, ağıllı sobanı yalnız mətbəxdə deyil, başqa otaqlarda da quraşdırmaq olar. 

Kifayət qədər yığcam quruluşa malik olan soba iki induktiv enerji cihazı ilə təchiz edilib, hər biri doqquz fərqli güc səviyyəsinə malikdir. 

“Portable Slim Double İnduction” yemək zamanı temperaturun dəqiq tənzimlənməsinə imkan verir.

“Samsung Shoe Care System” isə ev şəraitində ayaqqabı baxımı sahəsində innovativ həldir. Onun köməyi ilə ayaqqabı dezodorasiya edilə və qurudula bilər.