20 fevral 2020, cümə axşamı
.
.
chevron_left chevron_right
DÜNYA

“Samsung” növbəti üç ildə 160 milyard dollar sərmayə yatıracaq

“Samsung Electronics” şirkəti qarşıdakı 3 il ərzində yeni layihələrə 180 trilyon Koreya vonu (160 milyard ABŞ dolları) sərmayə yatıracaq

“Samsung” növbəti üç ildə 160 milyard dollar sərmayə yatıracaq

Cənubi Koreyanın “Samsung Electronics” şirkəti qarşıdakı 3 il ərzində yeni layihələrə 180 trilyon Koreya vonu (160 milyard ABŞ dolları) sərmayə yatıracaq.

AZƏRTAC şirkətin məlumatına istinadla xəbər verir ki, bu, hökumətin investisiyaların çoxaldılması və yeni iş yerlərinin yaradılması ilə bağlı xahişinə əsasən həyata keçiriləcək. “Samsung Electronics” ölkə iqtisadiyyatının canlandırılması üçün sərmayələrin çoxaldılmasına qərar verib. Yeni sərmayələr əsasən yüksək texnoloji sahələrə, o cümlədən süni intellekt, 5-ci nəsil mobil rabitə şəbəkəsi və biotexnologiya istiqamətlərinə yönəldiləcək. Şirkət kiçik sahibkarlıq subyektləri ilə əməkdaşlığını da genişləndirməyi nəzərdə tutur. Nəticədə, ümumilikdə 700 minə yaxın yeni iş yerinin açılması gözlənilir.

Texnologiya nəhəngi tələbə və elm adamları üçün nəzərdə tutulan təqaüd fondunun məbləğini 35 milyon dollardan 90 milyona çatdırmağı da planlaşdırır.

Qeyd edək ki, dünyanın ən böyük yarımkeçirici və smartfon istehsalçısı olan “Samsung Electronics”in bu qərarı ölkə Prezidenti Mun Ce-inin ötən ay şirkətin de-fakto rəhbəri Li Ce-yonq ilə görüşündən sonraya təsadüf edir. Həmin görüşdə Mun Ce-in şirkət rəhbərindən ölkə iqtisadiyyatına daha çox sərmayə yatırmaqla yeni iş yerlərinin yaradılmasını xahiş etmişdi.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
İspaniyanın Barselona şəhərində keçirilmiş Dünya Alimlər Kuboku olimpiadasında finala vəsiqə qazanan yeganə azərbaycanlı, 11 yaşlı Nərgiz Quliyeva 60-dan çox ölkədən 2100 şagirdin qatıldığı müsabiqədə “Yale” universitetindəki finala vəsiqə qazanıb.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X