1. MEDİA

Samuxda “Hərbi Vətənpərvərlik mövzusunda Sosial Çarx layihəsi” uğurla icra olundu !

Samuxda “Hərbi Vətənpərvərlik mövzusunda Sosial Çarx layihəsi”  uğurla icra olundu !

Samuxda “Hərbi Vətənpərvərlik mövzusunda Sosial Çarx layihəsi” uğurla icra olundu !

Azərbaycan Respublikası Təhsil Nazirliyi Təhsildə inkişaf və innovasiyalar üzrə IV qrant müsabiqəsində fərdi kateqoriya üzrə qalib olmuş Samux rayonu Qarayeri qəsəbə 1 saylı məktəb litseyin müəllimi Əmiraslanova Gülnarə Əmirqulu qızının rəhbəri olduğu “Hərbi Vətənpərvərlik mövzusunda sosial çarx” layihəsinin icra planına əsasən 28.02.2021-ci il 11:00 tarixdə sosial çarxın yekun təqdimatı keçirilmişdir.  Təqdimat “Zoom” proqramı ilə Samux şəhər 1 saylı məktəb litsey, Samux şəhər 2 saylı tam orta məktəb, Samux şəhər 3 saylı tam orta məktəb, Sərkar kənd tam orta məktəb, Qarayeri qəsəbə 1 saylı məktəb litseyin müəllim və şagird kollektivi iştirak etmişlər. Tədbirə 100 yaxın  iştirakçı qoşulmuşlar.

Tədbiri giriş sözu ilə layihənin rəhbəri Əmiraslanova Gülnarə çıxış edərək tədbir iştirakçılarını salamlamışdır. Daha sonra layihənin məqsədi və vəzifələri, görülmüş işlər  haqda tədbir iştirakçılarını məlumatlandırmış və birlidrmişdir ki yeniyetmə və gənc nəslin milli köklərimizə bağlılıq, vətənpərvərlik, dövlətçiliyə sədaqət ruhunda tərbiyə olunması işi peşəsindən asılı olmayaraq hər kəsin qarşısında duran ən ümdə vəzifələrdəndir.   

Sonra çıxış Samux rayonu Qarayeri qəsəbəsi 1 saylı məktəb-litseyin direktoru Bəsti Mahmudovaya verilmişdir. O bildirmişdir ki,  vətənini sevən, onun yolunda canından keçməyə hazır olan vətəndaşlar kimi formalaşmasında hər kəs bir olmalı, birgə fəaliyyət göstərməlidir. Daha sonra layihənin eksperti hüquqşunas Sərxan Sadıxov layihə haqda fikirlərini bildirərək soyləmişdir ki "Hamımızın ümumi vəzifəmiz xalqımızda vətənpərvərlik, Vətən torpağına, millətə sədaqət, Vətən uğrunda şəhidliyə hazır olmaq hisslərini formalaşdırmaq, inkişaf etdirmək və təbliğ etməkdir"

Daha sonra tədbirdə iştirak edənlərə söz verilmişdir. Sərkar kənd tam orta məktəbin direktoru Afaq Mövlayeva cıxış edərək soyləmişdir ki, məktəbli stolu arxasında əyləşən hər bir şagirdimiz yaxşı anlamalıdır ki, hərbi xidmət keçmək, Vətəni müdafiə etmək, “Torpağını” “Bayrağını” qorumaq  onların övladlıq borcudur.

Gənc müəllimə Günel Əhmədova çıxış edərək söyləmişdir ki, onun öz övladını necə tərbiyə etməsi isə ilk növbədə bu gün onun özünün necə yetişdirilməsindən asılıdır. Buna görə də bu sahədə görülən işlər daim diqqətdə saxlanılmalı, gənclərin vətənpərvərlik tərbiyəsi üçün yaradılan şəraitdən səmərəli istifadə etmək lazımdır.

Sonda sosial çarx, lahiyə üzrə çap olunmuş kitablar, buklet və flayerlər içtimaiyyətə təqdim olunmuşdur.

 

--
Serxan Sadixov

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Şəkil çəkən it

Redaktor seçimi

SON XƏBƏRLƏR