31 mart 2020, çərşənbə axşamı
.
.
chevron_left chevron_right
TEXNOLOGİYA

Satışdan əvvəl məlumatları sərt diskdən silməyin asan yolları

Satışdan əvvəl məlumatları sərt diskdən silməyin asan yolları

162 Baxış
Satışdan əvvəl məlumatları sərt diskdən silməyin asan yolları
Dinləmə sayı: 2

Məlum olduğu kimi, sadə bir formatlaşdırma və ya məlumatları sərt diskdən silmək, onları sonradan bərpa etməyi asanlaşdırır. Bunun üçün xüsusi vasitələrə ehtiyac qalmır, adi pulsuz proqramlar da kifayətdir. Beləliklə, sərt diski satsanız və ya müvəqqəti olaraq kiməsə versəniz, o zaman kimsə məlumatlarınızı çətinlik çəkmədən bərpa edə və öz istəyinə uyğun istifadə edə bilər. Buna görə bir diski satmadan və ya köçürmədən əvvəl məlumatların təhlükəsiz hala gətirildiyini təmin etməlisiniz.

Qısa söyləsək, ən etibarlı yol yeni məlumatlar yazmaqdır. Məsələ bundadır ki, məlumatlar silindikdə belə, yenə də fiziki olaraq diskdə qalır. Yəni etibarlılıq üçün, sərt diskinizi faydasız məlumatlarla doldurmalısınız. Bunu əl ilə etmək lazım deyil: diskin tam formatlaşdırılması kifayətdir.

Sürətli formatlaşdırmanın üstünlükləri var: o, doludan daha sürətli baş verir. Buna görə, məlumatların üzərinə yazmaq lazım deyilsə, ondan istifadə etmək daha yaxşıdır

Silmək istədiyiniz diskin üzərində maus-u sağ vurun və "Formatlama"nı seçin. Açılan pəncərədə "Tez (məzmun cədvəlini sil)" işarəsini çıxarın. Windows diski formatlaşdıracaq və bütün boşluğu sıfırlarla - faydasız məlumatlarla dolduracaqdır. Başqa sözlə, sonradan bərpa etmək üçün heç bir şey olmayacaqdır. Windows XP-də bunun işləməyəcəyini qeyd etmək lazımdır. Windows yalnız Vista ilə başlayaraq formatlaşdırarkən boşluğu sıfırla doldurmağı bacarır.

Tam etibarlılıq üçün ixtisaslaşdırılmış proqram təminatından istifadə edə bilərsiniz. Məsələn, hər kəsin sevimlisi CCleaner, diskləri necə pozmağı yaxşı bilir və hətta bir neçə dəfə dalbadal. Bu ümumiyyətlə artıqdır, lakin əlbəttə ziyanı yoxdur. "Alətlər" bölümünə daxil olun və "Diskləri silmək" seçin. Açılan siyahılarda "Tam disk" və "Qabaqcıl yenidən yazma(3 ötürmə)" bəndlərini seçin.

Ens.az bildirir ki, bundan əlavə, SSD-lərin istifadəsinin xüsusiyyətinə görə sadə sabit disklərdə olduğu kimi idarə edilə bilməz. Onları yalnız sürətli metodla formatlamaq daha yaxşıdır. Windows 7-dən başlayaraq, hətta sürətli formatlama məlumatları etibarlı şəkildə məhv etməlidir. Bundan əlavə, məlumatların tam silinməsi funksiyaları xüsusi firma proqram təminatlarında ola bilər. Məsələn , müvafiq istehsalçının SSD üçün hazırlanmış Samsung Magician yardım proqramı tam disk təmizliyini edə bilər. Funksiya Təhlükəsiz silinmə adlanır və proqramın əsas ekranında mövcuddur.

Yalnız Samsung deyil, digər məşhur SSD şirkətlərində də bu cür xidmətlər mövcuddur.

Təəssüf ki, hətta tam formatlaşdırma da məlumatların bərpa edilə bilməyəcəyinə 100% zəmanət vermir. Təəccüblüdür ki, mütəxəssislər 2003-cü ildə qəzaya uğrayan "Columbia" kosmik gəmisindəki faktiki olaraq məhv olmuş diskdən məlumatları bərpa edə bildilər. O ki, qala ənənəvi formatlaşdırmaya. Doğrudur, adi istifadəçilərdən kimsə əslində lazımsız məlumatları geri qaytarmaq üçün nə vaxt, nə də pul xərcləməsi ehtimalı azdır.

Korporasiyalara və ya hökumət təşkilatlarına gəldikdə, orada hər şey daha ciddidir. Burada həm proqram metodlarından, həm də fiziki məhb formalarından istidadə olunur ki, məlumatlar daşıyıcılarla birgə yox edilsin. Disk xüsusi avadanlıqlardan və ya hətta adi drel yaxud digər alətlərdən istifadə edərək mexaniki qaydada məhv edilə bilər.


Tərcüməçi: Fəxri Qocayev


Mənbə: hi-tech.mail.ru




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


Etiketlər:
VİDEO QALEREYA
Norveçdə körpü
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X