Şaxta baba Azərbaycanın ucqar kənd və rayonlarına hədiyyələr aparacaq!

İl sonu yaxınlaşdıqca hər kəsi yeni ilin həyəcanı bürüyər. Yeni ili necə və harada qarşılayacağımızı, kimlərlə birlikdə olmağı və növbəti ildə nələr edəcəyimizi planlaşdırırıq. Digər bayramlarda olduğu kimi, yeni ildə də ən yaxşı payı uşaqlar alır. Yeni il uşaqlar üçün sevinc, arzularının həyata keçirildiyi bir dövrdür. Onlar üçün yeni il hər tərəfdə işıqların yanması, surprizlər, oyunlar və ən əsası arzularını həyata keçirəcək Şaxta babanın olmasıdır.

Nəzərə alsaq ki, bu dövrdə maddi vəziyyətlə əlaqədar olaraq hədiyyə ala bilməyən uşaqlar da var. Bütün bunları düşünərək, Baba.az saytını istifadə hazır olundu ki, regionlardakı uşaqları birlikdə sevindirək və onları 2018-ci il üçün hədiyyəsiz qoymayaq.

Bir uşağın üzündəki sevincə səbəb olmaq istəyirsinizsə, layihəyə qoşularaq öz töhfənizi verə bilərsiniz. Layihə uşaqlara sadəcə yeni illə bağlı hədiyyə göndərilməsindən ibarət deyil. Layihə çərçivəsində uşaqların hər hansı bacarıqlarının nümayiş etdirilməsi və qarşılığında Şaxta babanın onun istədiyi yeni il hədiyyəsini verilməsi planlaşdırılır. Bu şəkildə uşaqların bacarıqları olan sahə üzrə ruhlandırmaq və gələcək illərdə bu yolda inkişafa motivasiya edilməsi nəzərdə tutulub.

Ölkəmizin cənub və şimal bölgəsində yaşayan uşaqları əhatə edən layihədə 5-12 yaş aralığında olan balaca dostlar qoşulacaq. Bütün videolar 24 dekabr tarixinədək www.baba.az saytında gündəlik şəkildə əlavə olunacaq və hər bir uşağa hədiyyə alacaq dəstəkçilərin axtarışına çıxılacaq. Bütün hədiyyələr toplandıqdan sonra, 26-28 dekabr tarixlərində Baba.az və Blackstreet.az komandası Şaxta baba ilə birlikdə balaca dostları sevindirmək üçün regionlara üz tutacaqlar.