
Seçkiləri 70 min 625 nəfər müşahidəçi izləyəcək - MSK sədri
Seçkilərin şəffaf keçirilməsinin əsas tələbi müşahidəçilərin və media nümayəndələrinin iştirakıdır.
Ens.az Teleqraf.com-a istinadən xəbər verir ki,bunu Mərkəzi Seçki Komissiyasının (MSK) sədri Məzahir Pənahov yanvarın 28-də keçirdiyi mətbuat konfransında deyib.
Sədr bildirib ki, Seçki Məcəlləsinin tələblərinə uyğun olaraq, müşahidəçilərə və media nümayəndələrinə rədd cavabı verilməyib:
"Yerli müşahidəçilərin sayı 70 min 625 nəfərdir. Onlarla maraqlanmışıq, yetərincə peşəkardırlar. Bundan başqa media nümayəndələri qanunvericilik əsasında azaddırlar. Azərbaycan yeganə ölkədir ki, bəlkə də jurnalistlər qeydiyyat keçmədən prosesi izləyə bilərlər".
Sədr qeyd edib ki, MSK bölgələrdə olan, sayılıb-seçilən insanların namizədliklərini vermələrinin marağında olub. O bildirib ki, imza vərəqələrini qaytaran 16 min 294 namizəddən 16 min 238 nəfərin namizədliyi qeydə alınıb:
"Daha sonra bəzi səbəblərdən müəyyən namizədlər geri çəkildi bülletenlərə 16 min 92 nəfərin adı daxil edildi. Bundan başqa seçkilərdə 24 siyasi partiya iştirak edir".
Şərhlər
Şərhləri göstər Şərhləri gizlət