25 sentyabr 2018, çərşənbə axşamı
.
17
Ağcabədi
.
Ülfət Ziyafətqızı

Şeirdən soruş...

Şeirdən soruş...

Gecikən səhərin intizarını
Gecəni yuxusuz keçəndən soruş.
Qurumuş dodağın ağrılarını
Gözünün yaşını içəndən soruş.

Susuz buludların yaralarını
Torpağı gözüylə opəndən soruş,
Bir tutam sevginin vüsal dadını
Gülüşü dodaqdan qopandan soruş.

 

Sənli günlərimi göz qırpımında
Bəxtdən oğurlayan sehirdən soruş.
Bu eşqə çalınan yoxluq laylasın
Alnıma yazılan şeirdən soruş.

 

Mənim qismətimdə sənin adının
Boş qalan yerini qələmdən soruş.
Ruhsuz bədənimin soyuq rəngini
Ömrüm boyda olan ölümdən soruş.


adscode X