Şəki Mərkəzi Cümə Məscidində şəhidlərin xatirəsi anılıb

Şəki Mərkəzi Cümə Məscidində şəhidlərin xatirəsi anılıb

Şəki rayonunda Vətən müharibəsi şəhidlərinin xatirəsi bir dəqiqəlik sükutla yad edilib.

"Report"un Şimal-qərb bürosunun məlumatına görə, Şəki şəhəri Mərkəzi Cümə Məscidində şəhidlərin xatirəsinə azan oxunub, namaz qılınıb, dualar edilib.

Qeyd edək ki, Vətən müharibəsində Azərbaycan Silahlı Qüvvələrinin 2 783 nəfər hərbi qulluqçusu həlak olub. Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir. 100 nəfərdən artıq hərbi qulluqçumuz isə itkin düşmüş hesab olunur. Onların tapılıb ailələrinə məlumat verilməsi üçün zəruri tədbirlər görülür. Hazırda 1 245 nəfər hərbi qulluqçumuzun tibb müəssisələrində müalicəsi davam edir.

Allah bütün şəhidlərimizə rəhmət eləsin və yaralı hərbçilərimizə şəfa versin!