Səudiyyə Ərəbistanı və ABŞ hərbi əməkdaşlıq sazişi imzalaya bilər

Səudiyyə Ərəbistanı və ABŞ hərbi əməkdaşlıq sazişi imzalaya bilər

Səudiyyə Ərəbistanı və ABŞ noyabrda hərbi əməkdaşlıq sazişi bağlamağı planlaşdırır.

Ens.az Oxu.az-a istinadən xəbər verir ki,  bunu Böyük Britaniyanın nüfuzlu "Financial Times" nəşri özəl mənbələrinə istinadən xəbər yayıb.

Qəzetin iddiasına görə, bu sazişdə tərəflər ərəb ölkəsinə qarşı istənilən hücumu sülh və təhlükəsizliyə təhdid hesab edəcəklər.

Bildirilir ki, saziş vəliəhd şahzadə Məhəmməd bin Salman Əl Saudun gələn ay ABŞ-yə səfəri zamanı bağlana bilər. Sazişin geniş hərbi və kəşfiyyat əməkdaşlığını əhatə edəcəyi gözlənilir.

 

Ağ Evin yüksək vəzifəli rəsmisi qəzetə deyib ki, şahzadənin səfəri zamanı sözügedən sənədin imzalanması üçün danışıqlar gedir, lakin təfərrüat hələ yekunlaşmayıb.