4 iyun 2020, cümə axşamı
.
.
chevron_left chevron_right
MARAQLI

Səudiyyə Ərəbistanında 35 ildə ilk dəfə kinoteatrda film göstərdilər

Popkorn, ölkənin birinci şəxsləri və senzuranın 40 saniyəsi

346 Baxış
Səudiyyə Ərəbistanında 35 ildə ilk dəfə kinoteatrda film göstərdilər

“Qara Panter”-dən öpüşlə olan bircə səhnəni çıxardılar. Döyüşlər və atışmaları saxladılar.

18 apreldə Səudiyyə Ərəbistanının paytaxtı Ər-Riyadda 35 ildə ilk dəfə kinoteatrda film nümayişi keçirildi - ziyarətçilərə “Qara Panter”-i göstərdilər. Premyera 2017-ci ildə filmlərin dini zəmində ictimai nümayişinə olan qadağanın ləğvindən sonra açılmış ölkənin ilk kinoteatrında baş tutub.

İlk nümayişə ancaq dəvətlə getmək mümkün idi - onları təxminən 600 qonaq əldə edib. Onların arasında: mədəniyyət naziri Awwad Alawwad, şahzadə Rima bint Bandar və məşhur bloqerlər var idi. Bəzi ziyarətçilər The New York Times müxbirinə etiraf ediblər ki, “Qara Panter” barədə ümumiyyətlə heç nə bilmirlər, amma tədbirin özünə gəliblər.

Mən müasir filmləri sevirəm. Əvvəllər mən və dostlarım yeniliklərə baxmaq üçün həftə sonu Bəhreynə və ya BƏƏ-nə gedirdik. Ümid edirəm ki, indi filmləri evin yaxınlığında izləmək mümkün olacaq.

kinoteatrın ziyarətçisi

Filmlərin nümayişinin qadağan olunması 80-ci illərdə Səudiyyə Ərəbistanını ultra mühafizəkarlıq dalğası bürüyəndə qəbul edildi. Onilliklərdən sonra onu ölkədə islahatlar aparan şahzadə Mohammed bin Salman ləğv etdi. Buna baxmayaraq kinoteatrlara ancaq “şəriət qanunlarına və Krallığın mənəvi dəyərlərinə” müvafiq olan filmləri buraxacaqlar.

Buna görə distribyutorlar “Qara Panter”-i bir az dəyişməli oldular: filmdən təxminən 40 saniyə çıxardılar. Assotiated Press agentliyinin əməkdaşının sözlərinə görə senzura qəhrəmanların öpüşləri olan final səhnəsinə toxundu, bununla yanaşı filmdə daha şiddətli anlar qaldı.

Hələlik Ər-Riyadda kafe və popkornla ancaq bir zal fəaliyyət göstərir. Binada həmçinin xüsusi ibadət otaqları hazırladılar.

2018-ci ilin yanvarında Səudiyyə Ərəbistanının sakinlərinə 2017-ci ilin ən pis filmi hesab edilmiş “Emoji film”-i  artıq göstərmişdilər. Amma nümayiş kinoteatrda deyil, mədəniyyət mərkəzində keçirildi - o zaman ölkədə heç bir pavilyon yox idi. 2030-cu ilə Səudiyyə Ərəbistanında sərbəst girişlə olan təxminən 300 kinoteatr yaradılmalıdır. Bəzi nümayişlər ancaq “ailəvi” baxış üçün, digərləri isə ancaq kişilər üçün keçiriləcək.

 

Mənbə: Tjournal.ru





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


Etiketlər:
VİDEO QALEREYA
Dünyanın ən bahalı evini Frenk Bakli tikib. İrland dizayneri tikinti materialı əvəzinə puldan istifadə edib
Emosiya ilə reaksiya ver!
  • 1
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X