9 aprel 2020, cümə axşamı
.
.
chevron_left chevron_right
DÜNYA

Səudiyyə Kralı terror aktı qurbanlarının ailələrini Həcc ziyarətinə dəvət edib

Səudiyyə Kralı terror aktı qurbanlarının ailələrini Həcc ziyarətinə dəvət edib

Səudiyyə Kralı terror aktı qurbanlarının ailələrini Həcc ziyarətinə dəvət edib

 

Səudiyyə Ərəbistanının Kralı Salman bin Əbdüləziz Al Səud Yeni Zelandiyanın Kraystçörç şəhərində iki məscidə silahlı hücum zamanı həlak olmuş şəxslərin ailələrini və terror aktı nəticəsində yaralanan müsəlmanları Həcc ziyarətinə dəvət edib. AZƏRTAC CNN telekanalının saytına istinadla xəbər verir ki, bu həftə 200 nəfər Yeni Zelandiyadan Məkkəyə uçacaq.

Səudiyyə Ərəbistanının Yeni Zelandiyadakı səfiri Əbdürrəhman Aı Suhaibani bildirib ki, Kral Salman bin Əbdüləziz Al Səud martın 15-də Kraystçörç şəhərində törədilmiş və 51 müsəlmanın ölümünə səbəb olmuş terror aktından dəhşətə gəlib. Onun sözlərinə görə, bu vəhşi cinayət dünyanın digər yerlərində, o cümlədən ABŞ və Avropa ölkələrində də dini və etnik nifrət zəminində kütləvi insan qırğınları törədən cinayətkarları cəsarətləndirib. Səfir əlavə edib ki, Kral hər il bir neçə yüz insanı Həcc ziyarətinə dəvət edir və bu dəfə o, ilin ən böyük faciəsinin qurbanlarına üstünlük verib. O əlavə edib ki, Yeni Zelandiyadan ilk dəfədir ki, ziyarətə zəvvarlar dəvət olunur.

Qeyd olunur ki, səfir Kralın tapşırığı ilə iki həftə əvvəl Kraystçörçdə olub və dəvətnamələri, habelə Həcc ziyarəti üçün xüsusi geyimləri sahiblərinə çatdırıb. Onunla görüşən Al Nur məscidinin imamı Camal Fouda terror aktında yaralanmış şəxslərə və həlak olmuş insanların qohumlarına göstərdiyi mənəvi dayaq üçün Səudiyyə Kralına təşəkkür edib.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Şirvan Bico xalçası, Kanada Tekstil Muzeyinde saxlanılır.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X