Seyid Əzim Şirvani - Mir Cəfərə xitab (Cəfər, ey ahiyi-biyabanım)

Seyid Əzim Şirvani - Mir Cəfərə xitab (Cəfər, ey ahiyi-biyabanım)

Cəfər, ey ahiyi-biyabanım, 
Ey biyabani-dildə ceyranım! 
Ey maralım, gəvəzni-xoşnigəhim, 
Bürci-dildə cəmalı mehrü nəhim! 
Belə yazmış bu rəmzi danalər, 
Əhli-idrakü əhli-mənalər – 
Ki, cahan içrə var elə işlər 
Nəzərə ibtidadə xoş görünür. 
Lakin axır verər nəticə yaman. 
Buna şahiddir ayeyi-Quran. 
Elə işlər də vardır, ey sərvər, 
Sənə zahirdə çox yaman görünər, 
Leyk axır verər nəticeyi-sud, 
Olur ol mr sülləmi-məqsud. 
Huş ilə guş qılsın, ey güli-tər, 
Bu hekayət sənə kifayət edər.