Şımpırlı Sevgili - İnanıbdı

Əl-aman əlindən yaman deyənin,
Düşmanım deyənə yar inanıbdı.
Ömür ağacının şah budağına
Deyirlər qonubdu, sar inanıbdı.

Bülbül nalan qalıb, solub gülüstan,
Tağında quruyub hər bağı-bostan.
Ötüşüb novbahar, gəlib zimistan.
Yetişmir bağçada bar, inanıbdı.

Sevgiliyəm, daha gəlmir üzümdən,
Deyən inciyibsən mənim sözümdən...
Soruşmur mürvətsiz barı özümdən,
Bəlkə bir günahım var, inanıbdı.