3 aprel 2020, cümə
.
.
chevron_left chevron_right
TEXNOLOGİYA

Smartfon əlavəsi səsə görə avtomobilin nasazlığını müəyyənləşdirəcək

Smartfon əlavəsi səsə görə avtomobilin nasazlığını müəyyənləşdirəcək

260 Baxış
Smartfon əlavəsi səsə görə avtomobilin nasazlığını müəyyənləşdirəcək

Massaçusets Texnologiya İnstitutunun alimləri avtomobilin işlək hissəsinin səsinə görə ona təmir və ya xidmətin tələb olunmasını müəyyənləşdirən smartfon əlavəsi yaradıblar. Məsələn, əlavə ön sol təkərin hava ilə doldurulması, hava filtrinin bir həftədən sonra dəyişdirilməsi və ya avtomobilin yeni alışdırma şamlarına ehtiyacı olması barədə xəbər verir. Bununla yanaşı, smartfon üçün avtomobilin diaqnostik sistemləri ilə birləşməsi tələb olunmur. Belə ki, tərtibatçıların sözlərinə görə, proqram avtomobillərin texniki təchizatından asılı olmayaraq onların diaqnostikasını aparmağa imkan verəcək. 
 
“ICTnews” Elektron Xəbər Xidməti “Computerworld” resursuna istinadən yazır ki, tədqiqatçıların sözlərinə görə, texnologiyanı mikrofon, akselerometr və digər müasir smartfon ötürücülərinin yüksək həssaslığı sayəsində ərsəyə gətirmək mümkün olub.
 
Məlumata görə, sistem diaqnostikanı kompüter təlimi üsulları vasitəsilə aparır - təlim seçimi kimi mütəxəssislər tərəfindən yaradılan avtomobillərin normal iş və müxtəlif nasazlıqlar zamanı çıxardıqları səslər bazasından istifadə olunur.
 
Bildirilir ki, əlavə diaqnostikanın dəqiqliyini 90 faiz səviyyəsində təmin edir. Məsələn, sistem mühərrik silindrlərində avtomobilin işə salınma qabiliyyətini səhvsiz müəyyənləşdirir, balanslaşdırma problemlərini tanıma alqoritmləri isə öz vəzifələrinin öhdəsindən təcrübəli mütəxəssislərdən daha yaxşı gəlirlər.
 
Əlavənin kommersiya versiyasının il yarım sonra istifadəyə verilməsi gözlənilir.

Müəllif: Nizam Nuriyev 
Mənbə: Ictnews.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Payız meşəsinin mozaikası
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X