27 fevral 2020, cümə axşamı
.
.
chevron_left chevron_right
MARAQLI

Sorosdan 1 milyardlıq layihə: avtoritar hökumətlərə qarşı...

Soros avtoritar hökumətlərlə mübarizə üçün 1 milyard dollar xərcləməyi qərara alıb

506 Baxış
Sorosdan 1 milyardlıq layihə: avtoritar hökumətlərə qarşı...

Ens.az xəbər verir ki, Corc Soros avtoritar hökumətlərə, eləcə də iqlim dəyişikliyinə qarşı mübarizə aparacaq ümumdünya universiteti yaratmağı planlaşdırır. O, bunu Dünya İqtisadi Forumunda (WEF) bəyan edib.

Soros qeyd olunan problemləri sivilizasiyanı təhdid edən əkizlər adlandırıb. Milyarder, "Open Society" tərəfindən maliyyələşdiriləcək Universitet Şəbəkəsinin beynəlxalq öyrənmə platformasına çevriləcəyini qeyd edərək, orada həm də araşdırmalar aparılacağını vurğulayıb. Təşkilat Mərkəzi Avropa Universiteti (Soros tərəfindən dəstəklənir) və ABŞ-dakı Bard Kolleci ilə birlikdə yaradılacaqdır.

Sponsorun sözlərinə görə, universitetdə "tənqidi təfəkkürü inkişaf etdirmək və akademik mühitdə sərbəstlik bacarığına yönəlmiş keyfiyyətli təhsil əldə etmək" mümkün olacaqdır.

"Dünyadakı ekstremal iqlim və qeyri-sabitliyi nəzərə alaraq, 2020 və sonrakı illərdə yalnız Tsinpin (Çin Xalq Respublikasının sədri) və Donald Trumpın deyil, bütövlükdə dünyanın taleyini təyin edəcəyimizi söyləmək mübaliğə olmaz. Soros belə bir xəbərdarlıq edib.

Soros öz çıxışında , Facebook-u da sərt tənqid edərək, onu Trump- la işbirliyinə getməkdə ittiham edib. Bildirib ki, Donald Tramp 2020-ci ildə yenidən prezident seçilə bilmək üçün "Facebook" ona sosial şəbəkələrdə və mesaj göndəricilərində müxtəlif yanlış məlumatlarla kömək etməyi planlaşdırır. Milyarder bi iddialarına dair hər hansı sübut göstərməyib. Facebook-un rəsmi nümayəndəsi isə "Bloomberg"-ə açıqlamasında iddianın yalan olduğunu qeyd edib.

Corc Sorosun 89 yaşı var. O, "Soros Foundation" xeyriyyə təşkilatları şəbəkəsini yaradıb və Forbes qlobal reytinqində 56-cı yeri tutur. İndi onun sərvəti 8,3 milyard dollar civarında qiymətləndirilir.


Müəllif: Fəxri Qocayev


Mənbə: rbc.ru




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
San Fransiskoda yerləşən bir şirkətin laboratoriyada toyuq tükündən hazırladığı toyuq əti
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X