22 fevral 2020, şənbə
.
.
chevron_left chevron_right
AZƏRBAYCAN

“Sport Time” jurnalı bir qrup media nümayəndəsini təltif edib

“Sport Time” jurnalı bir qrup media nümayəndəsini təltif edib

144 Baxış
“Sport Time” jurnalı bir qrup media nümayəndəsini təltif edib

Azərbaycanda idmana göstərilən yüksək diqqət və qayğını təbliğ edən, idmanın inkişafına töhfə verən “Sport Time” jurnalı milli mətbuatın yaranmasının 143-cü ildönümü ilə bağlı iyulun 12-də tədbir keçirib.

AZƏRTAC xəbər verir ki, tədbirdə “Sport Time” jurnalının baş redaktoru Jalə Rzabəyli çıxışında artıq dörd ildir nəşr olunan jurnalın Azərbaycanda həyata keçirilən idman siyasətinin, ölkəmizdə idmanın inkişafının təbliği məqsədilə gördüyü işlərdən danışıb. Bildirib ki, ötən müddətdə jurnal idman ictimaiyyəti və ziyalılar tərəfindən maraqla qarşılanıb. Bu, jurnalın kollektivini daha fəal işləməyə həvəsləndirir.

Milli Məclisin deputatı Ağacan Abıyev Azərbaycan mətbuatının inkişafı tarixindən danışaraq ölkəmizdə həyata keçirilən uğurlu idman siyasəti haqqında ətraflı məlumat verib. A.Abıyev qeyd edib ki, bu gün Azərbaycan idmançıları beynəlxalq arenada ciddi rəqib kimi qəbul olunurlar. Yüksək təşkilatçılıq bacarığı ilə digər ölkələrə nümunə göstərilən Azərbaycanda ilk Avropa Oyunları, IV İslam Həmrəyliyi Oyunları, Formula 1 yarışları müvəffəqiyyətlə təşkil olunub. Beynəlxalq qurumlar artıq irimiqyaslı yarışların keçirilməsini tərəddüdsüz ölkəmizə həvalə edirlər. Bütün bunlar respublikamızda aparılan uğurlu idman siyasətinin bariz nümunəsidir.

Jurnalın fəaliyyətini yüksək qiymətləndirən Bakı Şəhər Gənclər və İdman İdarəsinin rəisi Raqif Abbasov bildirib ki, Azərbaycan dünyada idman ölkəsi kimi tanınır. Prezident İlham Əliyevin idmana göstərdiyi yüksək diqqət və qayğının nəticəsində idmançılarımız beynəlxalq arenada böyük uğurlar əldə edirlər. Azərbaycan idmanını fəal təbliğ edən “Sport Time” jurnalı öz səhifələrində uğur qazanmış idmançılara da geniş yer ayırır.

Sonra bir qrup mətbuat nümayəndəsi “Medianın dostu” nominasiyası üzrə mükafatlandırılıb. Təltif olunanlar arasında AZƏRTAC-ın əməkdaşı Samirə Allahverdiyeva da var.

Tədbir konsert proqramı ilə davam edib.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Yuriy Nikulin "Brilliant əllər" çəklişi zamanı fasilədə nərd oynayır. Bakı. 1968-ci il
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X