Slimfit
  1. MEDİA

Sumqayıt Dövlət Universiteti ilə Lənkəran Dövlət Universiteti arasında əməkdaşlıq müqaviləsi imzalandı

Sumqayıt Dövlət Universiteti ilə Lənkəran Dövlət Universiteti arasında əməkdaşlıq müqaviləsi imzalandı
Sakura

Sumqayıt Dövlət Universiteti ilə Lənkəran Dövlət Universiteti arasında əməkdaşlıq müqaviləsi imzalandı

Sumqayıt Dövlət Universiteti ilə Lənkəran Dövlət Universiteti arasında əməkdaşlıq müqaviləsi imzalandı

Dekabrın 10-da Sumqayıt Dövlət Universiteti ilə Lənkəran Dövlət Universiteti arasında əməkdaşlıq müqaviləsi imzalandı.

Görüşdə Sumqayıt Dövlət Universitetinin rektoru professor Elxan Hüseynov, prorektorlar, dekanlar və Lənkəran Dövlət Universitetinin rektoru, professor Natiq İbrahimov iştirak etdilər.

Rektor professor Elxan Hüseynov qonaqları salamladı, Lənkəran Dövlət Universiteti ilə qarşılıqlı əməkdaşlıqdan məmnunluğunu ifadə etdi. Qeyd etdi ki, bağlanacaq müqavilə hər iki ali təhsil müəssisəsi arasında əlaqələrin möhkəmlənməsinə əlverişli şərait yaradacaq və elmi layihələrin həyata keçirilməsinə təkan verəcək. Rektor rəhbərlik etdiyi ali təhsil müəssisəsinin fəaliyyəti, buradakı təhsil, tədris prosesi və əldə olunan nailiyyətlər barədə ətraflı məlumat verdi. Bildirdi ki, region universitetləri yalnız təhsil, tədris və elmi-tədqiqat işləri ilə deyil, həm də regionda iqtisadi, sosial və mədəni mühitin inkişafında fəal rol oynayır. Tədqiqat və bilik yönümlü ali təhsil müəssisələri getdikcə daha çox təhsil verməklə yanaşı bölgələrin iqtisadi, sosial və mədəni inkişafında da aktiv rol oynayır, əmək bazarı, məşğulluq sahəsinə töhfələr verir. Ulu Öndər Heydər Əliyevin tarixi xidmətləri, onun siyasi varisi möhtərəm prezidentimiz cənab İlham Əliyevin diqqəti və qayğısı sayəsində Sumqayıt Dövlət Universiteti ölkənin və regionun nüfuzlu elmi-tədris mərkəzinə çevrilib. Şəhərimizin, eləcə də regionun elmi-mədəni elitasının formalaşmasını təmin edən Sumqayıt Dövlət Universitetində kadr potensialının inkişafı üçün müxtəlif layihələr gerçəkləşdirilir, mühüm uğurlara imza atılır.

Lənkəran Dövlət Universitetinin rektoru, professor Natiq İbrahimov səmimi qarşılanmaya və imzalanacaq əməkdaşlıq müqaviləsinə görə SDU-nun rektoru professor Elxan Hüseynova dərin təşəkkürünü bildirdi. Rektor Natiq İbrahimov Lənkəran Dövlət Universitetində son illərdə görülən işlərdən, açılan yeni ixtisaslardan söz açdı. Universitetlər arasında elm-təhsil sahəsində həyata keçirilən layihələrin, tələbə-müəllim mübadiləsinin vacibliyini qeyd etdi, əlaqələrin daha da intensivləşməsinə ehtiyac olduğunu vurğuladı.

Əməkdaşlıq müqaviləsini Sumqayıt Dövlət Universiteti adından rektor professor Elxan Hüseynov, Lənkəran Dövlət Universitetinin adından rektor Natiq İbrahimov imzaladılar.

Qeyd edildi ki, imzalanacaq əməkdaşlıq müqaviləsi ölkənin kadr potensialının formalaşmasına, regionların sosial-iqtisadi və mədəni dirçəlişinə öz töhfəsini verəcəkdir. Müqavilədə əməkdaşlıq zamanı müəllimlərin, doktorantların, dissertantların, magistrantların və tələbələrin akademik mübadiləsi, magistrantların və bakalavriat tələbələrin stajkeçmə və təcrübələrinin təşkili,qarşılıqlı olaraq qazanılmış kreditlərin tanınması,qabaqcıl tədris metodlarının tətbiqi və inkişaf etdirilməsi üzrə təcrübə mübadiləsi, aktual istiqamətlər üzrə birgə elmi tədqiqatların aparılması, simpozium, seminar, elmi-praktik konfrans, dəyirmi masa, telekörpünün keçirilməsi və digər məsələlər öz əksini tapıb.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Görkəmli yazıçı Seyfəddin Dağlı Cəfər Cabbarlının qızı Gülarə xanımla evli olub.

Redaktor seçimi

SON XƏBƏRLƏR