Suriyalı qardaşlar 7 il sonra Həcc ziyarətində qarşılaşdılar

Suriyada vətəndaş müharibəsi səbəbindən ayrılan qardaşlar yeddi il bir-birinin üzünə həsrət qalıb. 

Oxu.Az xəbər verir ki, yeddi illik həsrət Həcc ziyarətində bitib.

İki qardaş Məkkədə qarşılaşıb. Sosial mediada yayılan görüntülərdən aydın olur ki, onlar bir-birini görəndə ağlamağa başlayıblar və qucaqlaşıblar.

Qardaşların qovuşması və ağlaması digər hacıları da göz yaşlarına boğub.

Məlumata görə, qardaşlardan biri İordaniyada yaşayır, digəri isə Suriyada həyatına davam edir.