4 iyun 2020, cümə axşamı
.
.
chevron_left chevron_right
AVTO VƏ MOTO

Sürücülər üçün antivirus: özünüzü və sərnişinləri necə qorumalısınız

Sürücülər üçün antivirus: özünüzü və sərnişinləri necə qorumalısınız

114 Baxış
Sürücülər üçün antivirus: özünüzü və sərnişinləri necə qorumalısınız

Hər gün bütün dünyada yeni koronavirus hadisələri qeydə alınır. Bir çox həmvətənimiz artıq ictimai əlaqələrini məhdudlaşdırmağa çalışır: uzaqdan işləyirlər, ehtiyac olmadan evlərini tərk etmirlər və bu ehtiyacın qarşısını almaq mümkün olmadıqda, öz maşınlarını tərcih edirlər, ictimai nəqliyyatı yox.

Ens.az bildirir ki, hətta bu vəziyyətdə belə, yoluxma riskini minimuma endirmək üçün bəzi təhlükəsizlik qaydalarını bilmək və onlara əməl etmək lazımdır.

Tövsiyə 1 - avtomobilin qapısını açdıqdan sonra əllərinizi ən azı 70% spirt tərkibli bir antiseptik gellə dezinfeksiya edin. Düzgün hərəkət ardıcıllığına əməl etmək vacibdir. Avtomobilinizin xarici səthlərinin (qapı tutacaqları da daxil olmaqla) virus daşıyıcıları ilə təmasda olmadığına heç kim zəmanət verə bilmədiyi üçün, avtomobil qapısını hər dəfə açarkən əllərinizi antiseptiklə təmizləmək vacibdir, ancaq hər hansı bir daxili səthə toxunmadan. Beləliklə, virusun salona ötürülməsi riski əhəmiyyətli dərəcədə azalır.

Tövsiyə 2 - avtomobili təkcə Siz istifadə etmirsinizsə və ya sürücüdən əlavə maşında həmişə sərnişin olursa, mütəmadi olaraq avtomobilin iç hissəsini yaş spirt əsaslı antibakterial salfetlər və ya sprey şəklində xüsusi antiseptiklə silmək lazımdır. Əks təqdirdə, yoluxma riski yüksəkdir: metal və plastik səthlərdə virus 2-3 günə qədər canlı qala bilər.

Tövsiyə 3 - Salon filtrini nə vaxt dəyişdirdiyinizi xatırlayın. Ən yaxşısı, yenisi ilə əvəz etməkdir. Daş qırıntıları və toz kimi kifayət qədər böyük hissəciklərdən qorunmağı təmin edən ən sadə seçimlə idarə etsəniz də, daha bahalı çox qatlı filtrlərə üstünlük verməyiniz məqsədəuyğundur: məsələn, antiallergik Bosch Filter +.

Tövsiyə 4 - bardaçokda birdəfəlik əlcək ehtiyatı saxlayın: onlar, bəzi zəruri hallarda nəyəsə çılpaq əllə toxunmamaq üçün faydalıdır.

Tövsiyə 5 - yanacaqdoldurma məntəqəsi, dayanacaq və s. təmassız üsullarla ödəniş etmək daha yaxşıdır. Birincisi, bu vəziyyətdə digər insanlarla (operator, kassir və s.) əlaqə qurmaq lazım gəlmir. İkincisi, daha az nağd pul - daha az pulun qalığı - daha az virusla qarşılaşma riski : kağız və kartonda virus bir günə qədər yaşaya bilir.


Tərcüməçi: Fəxri Qocayev


Mənbə: naviny.by




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Filin ürəyinin çəkisi 30kq-dır
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X