7 aprel 2020, çərşənbə axşamı
.
.
chevron_left chevron_right
AVTO VƏ MOTO

Sürücülük vəsiqəsi almaq çətinləşəcək? - Daha bir dəyişiklik qapıdadır

Sürücülük vəsiqəsi almaq çətinləşəcək? - Daha bir dəyişiklik qapıdadır

272 Baxış
Sürücülük vəsiqəsi almaq çətinləşəcək? - Daha bir dəyişiklik qapıdadır

Xəbər verdiyimiz kimi, artıq sürücülük vəsiqəsi almaq istəyənlərin nəzəri imtahandan keçdikdən sonra meydançada bilik və bacarıqlarını imtahan götürən müəllimlər deyil, xüsusi texniki vasitələr qiymətləndirəcək.

Bu barədə Daxili İşlər Nazirliyinin (DİN) Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Kamran Əliyev Sumqayıt Regional Qeydiyyat-imtahan şöbəsinin təcrübi imtahanın qəbulundakı yeniliklərdən danışarkən məlumat verib.

O, Baş Dövlət Yol Polisi İdarəsinin Sumqayıt Regional Qeydiyyat-imtahan şöbəsində təcrübi imtahanın qəbulu üçün xüsusi bağlı meydança yaradıldığını bildirib:
"Meydançada quraşdırılan xüsusi detektor əyani imtahan verən şəxsin bilik və bacarığını avtomatik yoxlayacaq və qiymət verəcək. Yəni imtahanlar müasir texniki vasitələrin köməyilə qəbul olunur. Artıq təcrübi imtahanlar şöbənin əməkdaşları tərəfindən deyil, xüsusi texniki vasitələrin köməyi ilə qiymətləndiriləcək".

Bəs bu qərar sürücülük vəsiqəsi almaq istəyənlərin işini asanlaşdıracaq?

Bu barədə "Yeni Sabah"a açıqlama verən nəqliyyat üzrə ekspert Elməddin Muradlı bildirib ki, nəzəri imtahan üçün də yeni qərarlar qəbul edilə bilər.

"Bu sürücülük vəsiqələrinin verilməsi ilə bağlı hazırki qaydalar illərdir ki, mövcuddur və bu istiqamətdə müəyyən təkmilləşdirmə işlərinə ehtiyac var idi. Bu ehtiyacdan irəli gələrək, hətta 2018-ci ili dekabrında Prezident İlham Əliyev tərəfindən təsdiqlənmiş "Yol hərəkətinin təhlükəsizliyinə dair Dövlət Proqramı"nda da onlarla müddəa var. İmtahan prosesinin təkmilləşdirilməsi, sürücülərin hazırlaşdırılması, psixoloji hazırlıq və s. məsələlər orada öz əksini tapıb. Onlardan biri də elə bu imtahan prosesinin təkmilləşdirilməsidir. Hələlik bu təcrübə imtahanıdır, nəzəri imtahanlar köhnə qaydada qalır. Mən hesab edirəm ki, nəzəri imtahanlarla da bağlı müəyyən yeniliklər olacaq. Çünki buna ehtiyac var. Sürücülük üçün imtahan verən şəxslər şərh etdiyi sualları ən azından yazılı formada əldə etməlidirlər. Hətta təklif var ki, imtahanlara video suallar salınsın. İmtahan prosesi barəsində şablon fikirlərdən çıxmaq, yeniliyə can atmaq lazımdır. İnsanların başa düşəcəyi, qavraya biləcəyi sistemə keçmək lazımdır. İmtahanlara 3D və ya 4D formatı əlavə etmək olar ki, imtahan verən şəxslər özlərini həmin situasiyalarda hiss edə bilsinlər".

Ekspert bu yeniliyin vətəndaşların xeyrinə olduğunu hesab edir:

"Qanunsuzluqdan, müəllimlərdən yana şikayət edənlər var idi ki, qəsdən imtahandan kəsirlər və s. O hallar artıq aradan qalxacaq".

Sabrina Eldarqızı





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Payız meşəsinin mozaikası
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X