1. İQTİSADİYYAT

Taksi qiymətlərində kəskin artım: səbəb nədir? - Ekspert

Taksi qiymətlərində kəskin artım: səbəb nədir? - Ekspert

Taksi qiymətlərində kəskin artım: səbəb nədir? - Ekspert

Pandemiya müddətində ölkədə fəaliyyət göstərən taksilərin qiymətlərində artım müşahidə edilib.

Ens.az xəbər verir ki, bunu Axar.az-a açıqlamasında nəqliyyat eksperti Elməddin Muradlı deyib. O bildirib ki, bu, taksilərin və sərnişinlərin sayının azalması ilə bağlıdır:

“Pandemiya müddətində əksər taksi sürücüləri fərqlənmə nişanı olmadığı üçün işə çıxa bilmədilər. Bu səbəbdən fəaliyyət göstərən taksilərin sayı xeyli azaldı. Eyni zamanda müştərilərin də sayında azalma müşahidə edildi. Buna görə də həm sürücülər, həm də taksi şirkətləri qazancı itki ilə balanslaşdırmaq üçün avtomatik olaraq qiymətləri qaldırdı”.

Ekspert onu da qeyd edib ki, taksi qiymətlərində ən çox artım mart, aprel və may aylarında olub:

“Taksilərdə qeyd etdiyim səbəbdən xüsusən də mart, aprel və may aylarında daha çox qiymət artımı müşahidə edildi. Bir müddət sonra isə digər taksi sürücüləri də aidiyyəti qurumların yaratdığı rahat şəraitdən istifadə edərək fərqlənmə nişanı əldə edə bildilər. Buna baxmayaraq, yenə də rayonlararası və paytaxtda taksi sürücüləri vəziyyətdən istifadə etməyə davam edirlər. Həddindən artıq baha qiymətə sərnişin daşıyırlar. Əvvəllər məsafədən asılı olaraq dəyişən qiymətlərin bu gün müəyyən qədər artmasının şahidi oluruq. Pandemiyadan əvvəl bəzi rayonlara 10 manata sərnişin daşıyan taksilər bu gün 25-30 manata, bəzən də insafsızlıq edərək 50-100 manata bu xidməti göstərir. Paytaxtda da bu cür hallar baş verir. Əvvəllər 5 manata gedilən yol üçün bu gün 6-6.5 manat tələb edirlər”.

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

1003 Xocalı sakinini esirlikden xilas eden, Azerbaycanın Milli Qehremanı Allahverdi Bağırov.

Redaktor seçimi

SON XƏBƏRLƏR