1. DÜNYA

“Taliban” ABŞ-a ultimatum verdi

“Taliban” ABŞ-a ultimatum verdi
masin.az

“Taliban” ABŞ-a ultimatum verdi

Əfqanıstanda hakimiyyəti ələ keçirən “Taliban” hərəkatı növbəti mətbuat konfransı təşkil edib.

Ens.az Oxu.az-a istinadən xəbər verir ki, tədbir “Əl Cəzirə” telekanalı ilə yayımlanıb.

Hərəkat rəsmisi Zəbihullah Mücahid ABŞ-a ultimatum verərək, təxliyyə prosesinin avqustun 31-dək başa çatmasını tələb edib və bu tarixdən sonra analoji əməliyyatların həyata keçirilməsinə icazə verməyəcəklərini bəyan edib.

O, “Taliban”ın Kabil hava limanına aparan yolları bağladığını və yalnız əcnəbi vətəndaşların keçidinə icazə verildiyini bildirib.

Mücahid yerli sakinləri ölkədə qalmağa çağırıb və ABŞ-ı əfqan elitasını xaricə daşımaqda ittiham edib.

“Taliban” təmsilçisi Türkiyə ilə yaxşı münasibətlər qurmağı istədiklərini, lakin bu dövlətin hərbçilərini ölkədə görmək istəmədiklərini bildirib.

Hərəkat rəsmisi sabahdan etibarən ölkədə bankların fəaliyyətə başlayacağını, yaxın gələcəkdə isə qadın dövlət qulluqçularının da öz işlərinə qayıda biləcəklərini açıqlayıb.

Hazırda müqavimət qüvvələrinin nəzarətində olan Pəncşir vilayətilə bağlı məsələyə toxunan Mücahid mövcud vəziyyətlə barışmayacaqları qeyd edib.

Həmçinin, “Taliban” nümayəndəsi hərəkatın Əfqanıstandakı xarici diplomatik nümayəndəliklərə təhlükəsizlik təminatı verdiyini vurğulayıb.

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

masin.az

Italiya

Redaktor seçimi

SON XƏBƏRLƏR