Slimfit
  1. AZƏRBAYCAN

Tarix-Diyarşünaslıq Muzeyi tərtərlilərin və rayonun qonaqlarının ən çox ziyarət etdikləri məkanlardandır

Tarix-Diyarşünaslıq Muzeyi tərtərlilərin və rayonun qonaqlarının ən çox ziyarət etdikləri məkanlardandır
Sakura

Tarix-Diyarşünaslıq Muzeyi tərtərlilərin və rayonun qonaqlarının ən çox ziyarət etdikləri məkanlardandır

Azərbaycanın ən qədim yaşayış məskənlərindən olan Tərtər rayonunda aşkar edilən arxeoloji tapıntılar, qədim əmək alətləri və əşyalar rayon Tarix-Diyarşünaslıq Muzeyində mühafizə və təbliğ olunur.

Tarix-Diyarşünaslıq Muzeyinin direktoru Aybəniz Şahbazi AZƏRTAC-ın bölgə müxbirinə bildirib ki, 1981-ci ildə fəaliyyətə başlayan muzey müxtəlif illərdə köhnə, uyğunlaşdırılmış binalarda yerləşdirilib. Muzeyin Tərtər şəhərində inşa edilən yeni binası 2017-ci il noyabrın 28-də Prezident İlham Əliyevin iştirakı ilə istifadəyə verilib.

İkimərtəbəli muzey binasında hazırda xalqımızın tarixini, mədəniyyətini, məişətini, adət-ənənəsini əks etdirən 2016 eksponat nümayiş olunur. Bu eksponatların 74-ü nəqqaşlıq, 1-i heykəltəraşlıq, 265-i tətbiqi incəsənət məmulatı, 350-si arxeoloji, 410-u məişət və etnoqrafik əşyalar, 550-si fotoşəkil, 130-u sənədlər və sairdən ibarətdir.

Aybəniz Şahbazi qeyd edib ki, rayon ərazisindən tapılan maddi-mədəniyyət nümunələri hesabına muzeyin ekspozisiyası getdikcə zənginləşir. Bu günlərdə rayonun Təzəkənd kəndində sakinlər həyətyanı sahədə qazıntı apararkən tapdıqları iki ədəd keramika su bardağını və bir ədəd saxsı küpün parçalarını muzeyə təhvil veriblər.

Muzey rayon sakinlərinin, xüsusən də məktəblilərin, ərazidəki hərbi hissənin əsgər və zabitlərinin, eləcə də Tərtərin qonaqlarının ən çox ziyarət etdikləri məkanlardandır. Cari ilin altı ayında muzeyi 3476 nəfər ziyarət edib. Muzeydə yaradılan “Kənd evi”, Qarabağ müharibəsindən bəhs edən bölmə, rayon sakinlərinin həyat tərzini, məşğuliyyətini və məişətini əks etdirən eksponatlar, qədim dövrdə istifadə olunan məişət əşyaları və əmək alətləri ziyarətçilərin böyük marağına səbəb olur. Muzeydə, həmçinin mütəmadi olaraq müxtəlif sosial və yaş təbəqələri, məktəblilər üçün tədbirlər, mühazirə və tarix dərsləri keçirilir.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Məmmədbağır Bağırzadə (1950-2005) və Gülşən Qurbanova (1950-2006)

Redaktor seçimi

SON XƏBƏRLƏR